Wararka ka imaanaya magaalada Jigjiga ayaa sheegaya in Maamulka magaalada Jigjiga ay shacabka la wadaageen faah faahinta sharci cusub oo uu ku soo rogay gabdhaha jaariyooyinka ah ee ka adeega guryaha, kaas oo ah in baaritaan caafimaad la marsiiyo ka hor inta aanan la shaqaaleysiin.
Wararku waxa ay sheegayaan in tallabada sharcigaan ay ka dambeeysay kaddib marki 28 gabdhood oo adeegayaal ah laga helay cudurka HIV/AIDS, taasi ayaa keentay in maamulka uu soo saaro sharcigaan si loo xakameeyo faafista cudurkaan.
Wareysi uu siiyay laanta VOA ee Afka Soomaaliga ku hadasha, Ku xigeenka Duqa magaalada Jigjiga Khadar Muxumed Ismaaciil ayaa sheegay in arintaan ay la kaashadeen culumaaudiinka kadibna ay so saareen qorshe jaariyad kasta laga war haayo Caafimaadkeedi iyo Damaanadeedi si bii’adda lagu nool yahay ay noqoto mid ka bad qabta cudurada faafa.
Waxa uu sidoo kale sheegay in Xafiiska Caafimaadka ee Magaalada Jigjiga uu shaqadaan ugu xilsaaran yahay ayna jiri doonin in loo shaqeeyaha uusan qabsan karin gabar aan caafimaadkeedi lasoo baarin si lamid ah damaanad.
Ugu dambeeyn waxa uu tilmaamay in nidaamyada dakhliga lagu uruuriyo ay qeyb ka noqon doonaan goobaha la isku qurxiyo iyo timajarayaasha oo ah meelaha diirada la saarayo marka laga soo tago arinta shaqaalaha Guryaha waxaana uu sheegay inaysan arintaan ahayn mid faquuq ah ama cid gaar ah lagu bartilmaamaysanayo.
