Wafdi ay hoggaamineyso Wasiirka Wasaaradda Gaadiidka iyo Duulistada Hawada DFS marwo fardowso cusmaan Cigaal oo Dhuusamareeb soo gaarey ayaa kormeer ku sameyay dhismaha Garoonka Diyaaradaha Magalada Dhuusamareeb ee Caasimada dowladda Galmudug,
Madaxwayne ku-xigeenka Dowladda Galmudug mudane Cali Daahir ciid oo wafdiga ku sugayey garoonka ayaa ka qayb ahaa kormeerkan, iyagoo soo marey qaybaha dhismuhu ka socdo iyo warshada jaayga iyo laammiga.
Wasiirka Wasaaradda Gaadidka iyo Duulista Hawada DFS iyo Wafdiga ay hogaaminayso oo uu qayb ka ahaa maareeyaha guud ee Hay’ada duulista rayidka ah ahmed macalin ayaa qiray horumarada ka socda Galmudug iyo Dhismaha Garoonkaan Dhusamareeb oo si habsami leh u socda.
Sido kale waxay Wasiirka Wasaaradda Duulista Hawada DFS Balanqaaday in ay qayb weyn ka qadan doonto Dhamaystirka shaqada Garoonkan Ugaas Nuur ka socota.
