Home Wararka Maanta Alshabaab oo Doonaayay inay Gudoomiye Sariirtiisa Ku Dilaan oo La Fashiliyay

Alshabaab oo Doonaayay inay Gudoomiye Sariirtiisa Ku Dilaan oo La Fashiliyay

September 24, 2024

Kooxda Al-Shabaab ayaa qorsheysay inay sariirtiisa ku disho guddoomiyaha deegaanka Lambar-konton ee gobolka Shabeellada Hoose, balse waa fashilmay qorshahaas oo ahaa mid halis ah.

Ciidamada amiga iyo maamulka ayaa iska kaashaday fashilinta dhagartaan, waxayna Al-Shabaab doonayeen inay sariirtiisa ku dilaan guddoomiyaha, maanta ayaa miinooyinkii lagu soo bandhigay fagaare ku yaalla Lambar-konton.

Taliyaha Nabad Sugidda deegaanka Lambar-konton Maadey Caddow ayaa sheegay in markii 15-aad ay fashiliyeen qorshe ay Shabaab doonayeen inay ku dilaan guddoomiyaha deegaankaas.

“Khawaarijta waxaan leeyahay, miinadii aad ku dili rabteen guddoomiyaha waatan, Waa markii 15-aad oo aan fashilinay, intaas waxaa dabajoogteen guddoomiyaha,” ayuu yiri Taliyaha NISA ee deegaanka Lambar-konton Maadey Caddow.

Sidoo kale Taliyaha ayaa sheegay in miinadaas uu soo dhiibay nin u dhashay beesha Biyomaal oo ka tirsan Al-Shabaab, kaas oo lagu magacaabo Cabdicasiis.

Guddoomiyaha deegaanka Lambar-konton waa wiil yar oo lagu magacaabo Maxamed Maxamuud, kaas oo galabta shacabka deegaankaas kula hadlay goob fagaare ah, una sheegay in qofkii lagu helo xiriirka Al-Shabaab ay bartiisa ku toogan doonaan.

“Waxa loo socdo masuuliyiinta kaliya maaha, mustaqbalkiina ayaa khatar ku jira oo weerar lagu yahay, idinkaan idiin shaqeynaa, sidaas ayaa naloo beegsanaa, waligeen waa is beegsa doonaa Al-Shabaab,” ayuu yiri guddoomiyaha oo la hadlayey shacabka deegaanka Lambar-konton.

Sidoo kale guddoomiyaha ayaa sheegay in ciidanka ay ku amreen in barta uu joogo lagu dilo, “Wlh inaan Maxkamad loo raadi doonin ciidamadu amar buuxa ayey u qabaan inay bartiisa ku toogtaan,” ayuu yiri.

Kulan Dhexmaray Madaxweyne Xasan Shiikh iyo Dhigiisa Jabuuti Ismail:- Sawiro

April 3, 2025

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kulan muhiim ah la yeeshay Madaxweynaha Jamhuuriyadda Jabuuti Mudane Ismaaciil Cumar Geelle, iyagoo ka wada hadlay xoojinta xiriirka walaaltinimo iyo iskaashiga

Israel oo Duqeymo ka geysatay Saldhigyo uu la Wareegayo Turkiga

April 3, 2025

Diyaaradaha dagaalka ee Israa’iil ayaa fuliyey in ka badan 15 duqeyn oo lagu qaaday garoonka diyaaradaha ee Hama, taasoo socotay xalay qiyaastii saacad iyo bar. Afhayeenka ciidamada Israa’iil ayaa sheegay

Warar laga helayo dagaal culus oo ka socda Galbeedka gobolka Mudug

April 2, 2025

Wararka ka imaanaya gobolka Mudug ayaa sheegaya inuu haatan dagaal beeleed xoogan uu ka socdo inta u dhaxeysa deegaanada Jiicboor iyo Saax qurun oo dhaca Galbeedka gobolka Mudug. Dagaalkaan oo

Maamulka Koonfur Galbeed oo soo bandhigtay xubno kasoo baxsaday Kooxda Al shabaab

April 2, 2025

Wararka ka imaanaya magaalada Baydhabo ayaa sheegaya in Afar Xubnood oo katirsanaa Kooxda Al shabaab ay isku soo dhiibeen Ciidamada Booliiska Gaar ahaan laanta Baarista Dembiyada CID-da ee Gobolka Bay.

Diyaarad ay leedahay Dowlada Israel oo ku bur-burtay Magaalada Qaza

April 1, 2025

Warbaahinta Israa’iil ayaa baahiyay in diyaarad nuuca wax basaas ah oo ay lahaayeen milatariga Israa’iil shalay ku dhacday meel ku dhaw marinka Qasa ee dhulka Falastiin, kaddib marki la sheegay