Wararka naga soo gaaraya gobolka Hiiraan ayaa sheegaya in xalay toogasho ka dhacday gudaha magaalada Beledweyne lagu dilay guddoomiye ku xigeenkii dhinaca maaliyadda ee maamulkaasi degmadaasi.
Wararka ayaa intaasi ku daraya in kooxda dishay guddoomiye ku xigeeka ay doonayeen inay ka dhacaan taleefoonka, ayna rasaaseeyeen taas oo sababtay dhaawac markii hore soo gaaray, isaga oo mar dambe u geeriyooday dhaawac gaaray.
Guddooiyaha gobolka Hiiraan Muuse Salaad Wehliye oo war soo saaray ayaa ka tacsiyeeyay geerida marxuumka, wuxuuna faray laamaha amniga inay gacanta kusoo dhigaan dambiilayaashoa oo goobta isaga baxsaday.
Cabdisahal Shuuriye ayaa dhaa wiil dhalinyaro ah oo firfircoon, isla markaana si wayn looga yaqaanay xaafadaha magaalada Beledweyne ee xarunta gobolka Hiiraan.
Beledweyne ayaa xudun u ahayd halka uu kasoo bilowday kacdoonka shacab ee ka dhanka ah Al-Shabaab, haddane waxay weli la daala dhaceysaa xaalado adag.
