Jahwareer iyo qalalaase ayaa ka jira galbeedka magaalada Qasa ka dib markii taangiyada Israa’iil ay isaga baxeen halkaa oo ay ka wadeen cidamada dhulka howlgal laba maalmood. Kahor howlgalka, milatariga Israa’iil ayaa ku amray dadka deegaanka in ay isaga guuraan markii labaad muddo sagaal bilood gudahood ah.
Weriye ka tirsan BBC-da ayaa sheegaya in dadka deegaanka ay ku jahwareersan yihiin in amarka ka bixitaanka aaggaas uu weli jiro iyo in kale.
Kooxaha gurmadka ayaa isku dayay in ay gaaraan deegaanka, iyadoo la soo sheegayo in meydadku ay waddooyinka yaallaan ka dib laba maalmood oo dagaal xooggan uu socday. Milatariga Israa’iil ayaa sheegay in ay isku dayayeen in ay burburiyaan awoodda milatari ee Xamaas, gaar ahaan – sida ay sheegeen – xarun ay Qaramada Midoobay ku leedahay galbeedka magaalada Qasa.
Xukuumadda Somaliland oo ka hadashay dagaalkii shalay ku dhexmaray ciidamadeeda iyo kuwa SSC-Khaatumo deegaanka Dhuumadare ee gobolka Sanaag, ayaa sheegtay in uu qarxay kadib markii maleeshiyaad ay taageerto Soomaaliya ay
