Kooxda Al-Shabaab ayaa shaacisay wareysi lala yeeshay is-miidaamiyihii Jimcihii fuliyey Qaraxa ka dhacay duleedka degaanka Bacaadweyn ee Gobolka Mudug.
Axmed Cabdullaahi Cabdulqaadir oo Al-shabaab dhexdeeda loo yaqiin Axmed Shaakir iyo Cumeyr wuxuu ahaa 21 sano jir kooxdaas ku biiray sanadkii 2018.
Is-miidaamiyahan ayaa la sheegay inuu ku dhashay degaanka Kuunyo-Barrow, kana soo jeedo Beesha Tuni, gaar ahaan jufada Xajuubo, wuxuuna xusay inuu inta badan ka soo dagaalamay gobolka Sh/hoose
Wareysi uu bixiyay ayuu uga hadlay weerarka uu qaaday iyo waxaa ku kalifay, isagoo xusay in talaabada uu qaaday uu ALLE ugu dhowaanayo, ujeedada uu ka leeyahayna ay tahay inuu naafeeyo wax uu ugu yeeray caddow ALLE.
Alshabaab waxay hore u sheegtay in Qarixii Is-miidaaminta ee ka dhacay duleedka Bacaadweyn Jimcihii 16-ka July ay ku dileen 7 askari, halka ciidamada dowlada iyo maamulka Galmudug ay sheegeen inay fashiliyeen Qaraxaasi, markii la toogtay is-miidaamiyaha iyo gaariga uu watay oo aan soo gaarin goobta ay ku sugnaayeen ciidamada.
Maleeshiyaad aad u hubeysan oo ka tirsan kooxda Al-Shabaab ayaa maanta mar kale lagu arkay miyiga ku xeeran magaalada Baydhabo ee gobolka Bay sida ay sheegayaan dadka deegaanka iyo qaar
Ciidamada Puntland ayaa shalay hawlgal ballaaran ka fuliyey dooxada Miraale, halkaas oo ay ku dileen dagaalamaayal ka tirsan kooxda Daacish oo halkaas ku dhuumaalaysanayey muddo dheer. War kooban oo kasoo
Xukuumadda Somaliland oo ka hadashay dagaalkii shalay ku dhexmaray ciidamadeeda iyo kuwa SSC-Khaatumo deegaanka Dhuumadare ee gobolka Sanaag, ayaa sheegtay in uu qarxay kadib markii maleeshiyaad ay taageerto Soomaaliya ay
