Magaalada Gaalkacyo waxaa xalay dhan ka da’ayay roob ma hiigaan ah, waxaana ka dhashay khasaaro iskugu jiro dhimasho iyo burbur guryo dad shacab ah dagganaa.
Roobabkaan oo wato daadad xooggan ayaa Inta la ogyahay waxaa ku dhintay 2 qof, waxaana ku burburay ku dhawaan 100 guri oo ay dad shacab ah dagganaayeen.
Magaalada ayaa kala xiran saakay, dhallinyarada magaalada ayaa gurmad u fidinaya carruurta iyo haweenka, kuwaas oo uu illaa xalay ku kor socday roobka.
Gaalkacyo maanta waxey u baahantahay gurmadka shacabka Soomaaliyeed, dowladdooda dhexe iyo tan maamullada Galmudug iyo Puntland, si looga samata-bixiyo xaaladdaan adag ay gashay.
Ad
