Waxaa maanta garoonka diyaaradaha Aadan Cadde ee magaalada Muqdisho laga soo dejiyay muwaadiniin Soomaaliyeed oo muddo sannado ah ku xirnaa dalka Liibiya oo ay u tageen in ay kasii tahriibaan.
Xoghayaha Joogtada Wasaaradda arrimaha Dibadda iyo Iskaashiga Caalamiga, Mudane Xamse Aadan Xaadoow, ayaa ku soo dhoweeyay gegidda diyaaradaha caalamiga ee Aadan Cabdulle ee Caasimadda Muqdisho, sagaal muwaadin oo Soomaaliyeed oo dib loogu soo celiyay dalka.
Soo celinta muwaadiniintani oo ay iska kaashadeen Waaxda Arrimaha Jaaliyadaha iyo Qurbajoogta ee Wasaaradda Arrimaha Dibadda iyo Hey’adaha IOM iyo UNHCR ayaa ka qeyb ahaa dadaallo soo billowday 27 February, 2018 oo lagu soo daabulay boqolaal Soomaali muhaajiriin ahaa oo ku xayirnaa dalkaasi Liibiya.
Dalka Liibiya waxaa ku xiran sidoo kale ku xayiran muwaadiniin badan oo Soomaaliyeed, kuwaa oo dalkaasi u tagay in ay kasii tahriibaan una gudbaan waddamo kuyaalla Yurub.
Xukuumadda Somaliland oo ka hadashay dagaalkii shalay ku dhexmaray ciidamadeeda iyo kuwa SSC-Khaatumo deegaanka Dhuumadare ee gobolka Sanaag, ayaa sheegtay in uu qarxay kadib markii maleeshiyaad ay taageerto Soomaaliya ay
