Samata-bixiyeyaasha Turkiga ayaa labo dumar ah oo nool ka soo saaray burburka dhismayaasha dumay ka dib markii ay ku xayirnaayeen muddo 122 saacadood ah taasoo ka dambeysay dhulgariirkii ugu dhimashada badnaa ee labaatankii sano ee la soo dhaafay ka dhacay gobolka, sida ay masuuliyiintu sheegeen Sabtidii.
Dhimashada ayaa haatan kor u dhaaftay 24,150 guud ahaan koonfurta Turkiga iyo waqooyi-galbeed ee Suuriya maalin kadib markii madaxweynaha Turkiga Tayyip Erdogan uu sheegay in mas’uuliyiintu ay ahayd inay si degdeg ah uga falceliyaan dhulgariirkii weynaa ee Isniintii.
Mid ka mid ah haweenka la soo badbaadiyay oo lagu magacaabo Menekse Tabak, oo 70 jir ah, ayaa lagu dhex qariyay buste, iyadoo samatabbixiyeyaashu ay ku qaadeen ambulaas sugayay gobolka Kahramanmaras, sida ay muujinayeen sawirro ay soo saartay wakaaladda wararka ee Anadolu.
Haweeneyda kale waa 55 jir dhaawac ah, oo magaceeda lagu sheegay Masallah Cicek, taasoo laga soo saaray burburka dhismo dumay oo ku yaalla Diyarbakir, oo ah magaalada ugu weyn Koonfur-bari ee Turkiga, sida ay sheegtay wakaaladda.
Meydadka Lixdan iyo toddobo qof ayaa 24-kii saac ee la soo dhaafay laga soo burburka burburka, sida uu sheegay madaxweyne ku xigeenka Turkiga Fuat Oktay oo xalay saxafiyiinta la hadlay.
Ku dhawaad 80,000 oo qof ayaa lagu daweeyay cisbitaal, halka 1.05 milyan oo qof ay hoyla’aan ku noqdeen dhulgariirka.
“Hadafkeena ugu weyn waa in aan hubinno in ay ku soo laabtaan nolol caadi ah innagoo dib ugu dhiseyne guryaha dumay hal sano gudaheed” ayuu yiri Madaxweyne ku xigeenka Turkey Oktay.
HOOS KA DAAWO SAWIRADA
