Waa kiis aad u cakiran oo gacan ku dhiiglihii uu dhimanayo isagoo isku dayaya inuu maydka haadaan ka tuuro, halka saaxiibkii falkaas ku caawiyayna uu kiiska ku lugyeeshay.
Arrinta xiisaha leh ayaa ah in ninkii saaxiibka la ahaa gacan ku dhiiglaha ee gacanta ka siinayay in maydka la tuuro uu booliska u sheegay arrintan.
Intaasi kaddib, markii booliska Sindhudurg ay bilaabeen baaritaankooda, waxay dooxada Amboli ka soo heleen maydka laba qof.
Labada mayd ayaa bannaanka loo soo saaray waxaana la geeyay isbitaalka Sawantwadi Upazila si baaritaan loogu sameeyo. Baaritaan kale oo dheeraad ah oo kiiskan ku saabsan ayey boolisku weli wadaan.
Kiiskan muxuu yahay?
Sushant Khillare, oo ah wiil dhalinyaro ah oo deggan xaafadda Pandharpur ee degmada Solapur, ayey lacag dhexmartay Bhausaheb Mane oo 34 jir ah ka soo jeeda deegaanka Karad.
Bhausaheb Mane ayaa deegaankaas Karad waxa uu ku leeyahay foorno, wuxuuna qandaraas siiyay Sushant Khillare si uu ugu qabto shaqo halkaas loogaga baahnaa. Bhausaheb ayaa sidoo kale waxa Sushant siiyay saddex kun oo lacagta rupees-ka ah.
Laakiin xitaa kaddib markii uu qaatay lacagta, Sushant ma qaban shaqadii uu ku casriyeynayay foornada. Waxaaba ka sii darneyd markii uu diiday inuu soo celiyo lacagtii hormariska loo siiyay, taas oo keentay inay isku dhacaan labada nin. Xogtii ayuu markaasi kaddib Bhausaheb u sheegay saaxiibkii Tushar Pawar.
Sida ay sheegtay warbaahintu, Bhausaheb waxa uu Sushant lacagtii waydiin jiray muddo sannad ah. Si kastaba xaalku ha ahaadee, dhowr isku day oo la sameeyay ayaanan lacagtaas dib loogu helin, markaas kaddib ayey Bhausaheb iyo saaxiibkii Tushar maleegeen shirqool.
Bhausaheb Mane iyo Tushar Pawar ayaa 19-kii Janaayo Sushant Khillare ka afduubay deegaanka Pandharpur, waxayna muddo 10 maalmood ah ku hayeen guri ku yaalla degmada Karad. Habeenkii bisha Janaayo ay aheyd 29, ayuu Bhausaheb oo sarkhaansan ninkii u xirnaa ku dhexgaraacay gaari gudihii, markaas oo uu goobta ku dhintay.
Dooxada Amboli Ghat ayuu geeyay maydka si uu halkaas ugu tuuro
Kaddib markii aad loo garaacay ayuu sarajoogga ka duulay Sushant Khillare, markii ay arkeen sida uu xaal yahay ayey Bhausaheb iyo Tushar argagaxeen.
Waxay isla garteen in Sushant uu dhintay, markaas ayeyna go’aansadeen inay maydkiisa tuuraan, waxayna isku raaceen inay ku tuuraan dooxada Amboli Ghat.
Sidii qorshuhu ahaa, 30-kii Janaayo, Bhausaheb iyo Tushar waxay gaari ku tageen dooxada Amboli Ghat.
Mugdiga habeenkii markii uu isxiray ayey Bhausaheb iyo Tushar baabuurka ka soo saareen meydkii Sushant.
Bhausaheb ayaase markii uu maydka ka tuurayay cirifka dooxada waxaa uu isna ku dhacday dooxii wadada dhinaceeda ku yaallay.
Waxaa dunida ku haray Tushar Pawar oo uu xaal ku xun yahay
Kaddib markii Sushant Khillare lagu dilay garaacista, misana uu Tushar Pawar arkay in saaxiibkii Bhausaheb uu isna miyir daboolmay, ayaa waxaa u bilowday walwal iyo walaac. Waxa uu muddo u dhawaaqay Bhausaheb oo dooxa ku dhacay, balse cid u jawaabtay ma jirin.
Habeenkii oo dhan waxa uu Tushar Pawar ku sugnaa dooxada Amboli Ghat, isaga oo filaya in Bhausaheb soo laaban doono. Tushar oo argagaxsan ayaa habeenkii oo dhan dhex fadhiyey gaariga.
Si kastaba xaalku ha ahaadee, ugu dambeyntii maalintii xigtay ee bisha Janaayo ay aheyd 31, ayuu xogtii oo dhan waxa uu u sheegay qoyska Bhausaheb Mane.
Booliiska ayaa xogtan ka helay qaar kamid ah xubnaha qoyska, dhacdada oo dhanna markaas ayey bannaanka u soo baxday.
Muuqaal uu Tushar Pawar ku sharraxayo sida ay wax u dhaceen oo ay boolisku duubeen ayaa aad ugu baahay baraha ay bulshada ku wada xiriiraan. Si kasta oo ay tahayse.
