Madaxweynah Soomaaliya Xasan Sheekh Maxamuud iyo wafdi la socda ayaa gaaray magaalada Doha ee caasimada dalka Qatar, waxaana halkaasi kusoo dhaweeyay madaxweynaha iyo xubnaha la socday masuuliyiin katirsan dowladda Qatar.
Madaxweyne Xasan Sheekh Maxamuud ayaa ka mid noqday madax kala duwan oo caalamka ka kala socota oo lagu casuumay daawashada ciyaarta fiinaalka ee u dhaxeysa dalalka Arjentin iyo France.
Xasan Sheekh ayaana caawa goobjoog ka noqon doona daawashada ciyaarta xiisaha badan ee lagu soo gabagabeenayo koobka adduunka 2022, waxa uuna madaxweynaha dhinac fadhiisan doonaa madax kale oo caalamka ka socota oo iyana ciyaarta lagu marti qaaday.
Madaxweynaha ayaa sidoo kale la filayaa inta uu Qatar joogo in uu kulamo la qaato madax katirsan dowladad Qatar , waxa uuna kala hadli doonaa madaxweynaha masuuliyiinta uu la kulmo xoojinta xiriirka laada dal iyo kordhinta taageerada dowladda siiyaan.
