Xildhibaan Cabdiraxmaan Cabdishakuur ayaa soo saaray qoraal ku dhaliilayo siyaasiyiinta Soomaaliyeed oo sida uu sheegay in bedela markii ay xukunka qabsadaan.
“Silsalada waayaha siyaasada Soomaalida waa kuwo isku eg, dhacdooyinkuna iyagoo isku mid ah ayey soo noqnqodaan, sababtuna waa in aan cashar laga baran waaya-aragnimada iyo tijaabooyinkii halista lahaa ee la soo maro,” ayuu yiri CC Shakuur.
Qoraalka xildhibaanka ayaa intaas ku sii daray, “Nin saaxiibkeey ah ayaa i waydiiyey, war ninyahow madaxda Soomaalidu maxay u miir la’yihiin markii ay xukunka hayaan, haddii ay xilka ka degaana dad macquul ah u noqdaan.”
“Waxaan ku iri, xukunku wuxuu leeyahay sarqaan ruuxa miyirka ka qaada, haddii ruuxa madaxda ahi dad karti, aqoon, iyo ku dhac leh xusho, gacanta ayey qabtaan, laakiin haddii uu arursado kuwo ka gabada ama sacab, iyo sax weeye ku yiraa, sarqaanka ayuu ku socdaa, ilaa uu ka gaaro halkii uu odaygii Soomaaliyeed ka yiri;-
Xildhibaan Cabdiraxmaan ayaa ka mid ah siyaasiyiinta aad u diidan qorshaha Madaxweyne Xasan Sheekh ee wax ka bedelka nidaamka hoggaaminta dalka, qorshahaas oo sababaya in wax laga bedelo dastuurka dalka.
Xasan Sheekh ayaa doonaya in dalka laga hir-geliyo nidaam madaxtooyo oo Madaxweyne iyo Madaxweyne ku xigeenka ah, iyadoo meesha laga saarayo kursiga Ra’iisul Wasaaraha, qorshahaan ayaa diidmo adag kala kulmaya siyaasiyiinta ugu waaweyn dalka.
Markii uu dhawaan furmo kalfadhiga 4-aad ee baarlamaanka Soomaaliya, Xasan Sheekh iyo xukuumadiisa ayaa qorsheynaya inay horgeeyaan heshiiskii golaha wadatashiga qaranka, kaas oo dhigaya in loo guuro nidaam madaxtooyo iyo qodobo kale oo wax badan ka bedelaya dastuurka dalka.
