Dowladda federaalka Soomaaliya ayaa ku dhowaaqday in maanta gobolka Gedo u direyso gargaarkii ugu horreeyay, xilli ay xaalad adag oo bini’aadanimo ka taagan tahay gobolkaasi.
Sidoo kale waxa uu sheegay in gargaarkaas marka uu gaaro gobolka Gedo kadib doomo lagu daabuli raashinka, islamarkaana la geyn doono magaalooyinka Baardheere, Luuq iyo Doolow.
Wuxuu intaas kusii daray in sidoo kale qorshaha ugu jirto sidii ay deeqaha la gaarsiinayo dadkaas kor looga soo daadiyo dadka halkaasi ku dhibaataysan, maadaama qaarkood ay go’doon ku jiraan.
Agaasimaha Xarunta Qaran ee Gurmadka deg-degga ah Xasan Cabdulqaadir ayaa sheegay in 720,000 (todoba boqol iyo labaatan kun) oo qof oo ku kala nool maamul goboleedyada Jubbaland, Koofur Galbeed, HirShabeelle iyo Galmudug ay saameeysay fatahaaddaha.
“Waxaan mar kale ku celinayaa in dadka Soomaaliyeed ay qaataan tallooyinka iyo tilmaamaha hay’adda SODMA,” ayuu yiri agaasimaha oo sheegay in dadka haatan ku waxyeeloobay ay u badan yihiin dadkii ka dhega adaygay farriimihii hay’adda ee waxyeelada El-Niño.
