Home galmudug Daawo- Cadaado oo Maanta lagu Qabtay Dibad Bax Looga Soo Horjeedo,,Sawiro,,

Daawo- Cadaado oo Maanta lagu Qabtay Dibad Bax Looga Soo Horjeedo,,Sawiro,,

1

Dibadbax ballaaran 00 looga soo horjeeday kooxda Shabaab islamarkaana ay ka qeybgaleen boqollaal dadweyne ah ayaa maanta lagu qabtay degmada Cadaado ee gobolka Galgaduud.

Dadka dibadbaxa sameeynayay ayaa watay boorar ay ku qornaayeen halku dhigyo ka dhan ah kooxda Shabaab, iyagoo ku qeylinayeen ereyo ay diiddanyihiin argagixisada Shabaab ayeey socod ku soo mareen waddooyinka magaalada Cadaado.

Dhanka kale dibadbaxa ayaa lagu taageerayay guulaha  ciidamada dowlad gobaleedka Galmudug ka gaareen dagaalkii ay dhawaan Al-shabaab uga saareen deegaanka Camaara.

Isu soo baxa waxaa ka qeybgalay mas’uuliyiin ka mid ah dowlada goboleedka Galmudug oo isugu jirtay Wasiirro, Xildhibaanno ka tirsan dowlad gobaleedka Galmudug, Taliyaha Qeybta 21- aad ee Ciidanka Xoogga Dalka Soomaaliyeed, Taliyaha ciidamada booliska degmada Cadaado,mas’uuliyiin ka tirsan maamulka Degmada Cadaado, waxgaradka Degmada, iyo ururka bulshada.

Abaanduulka Qeybta 21 aad ee ciidanka Xoogga dalka Gashanle Sare C/laahi Aadan Cisman Ciro oo dibad baxayaasha la hadlay ayaa  sheegay in guulahaasi ay ciidamadu ku gaareen taageerada shacabka Soomaaliyeed.

“Waxan u hambalyayneeynaa Ciidamada Galmudug iyo kuwa xooga dalka Soomaaliyeed ee ka howlgala Galmudug guulaha ay ka gaareen Cadowga Umadda Soomaliyeed ee UGUS,Waxaana rajeynaynaa wanaaga ay gaareen hadaan shacabka garabsiin inaaney gaareen waxayna kalsoonidaas ka heleen shacabkooda idinkana waan idinkaga mahad celinaynaa”ayuu yiri Taliye Cirro.

Xildhibaanad Maryan Cali Abti doon oo ka mid ah xildhibanada Galmudug oo hadal kooban ka jeedisay dibad baxa ayaa waxay ciidamada ugu hambalyeysay guulaha ay ka gaareen la dagaallanka Shabaab.

“Waxan Rabaa halkaan inaan ka taageero Dagaalkii ba’naa ee faraha loo gubtay ee ka dhacay deegaanka Camaara guushii ay ka gaareen Ciidamadeena Galmudug,waxan leeyahay jira oo jooga,cadow kastana waxan diyaar u nahay haween iyo ragba inan iska difaacno”.

Wasiiru dowladha wasaaradda arrinimaha gudaha dowlad gobaleedka Galmudug Cumar Guureeye oo isna dibad baxayaasha la hadlay ayaa waxa uu balan qaaday in ay la wareegi doonaan deegannada fara ku tiriska ah ee ay wali haraadiga Al-shabab uga suganyihiin gobolka Galgaduud.

“Sida runta ah Ciidamada Galmudug waxay soo hoyeen guul taariiqi ah ka dib markii degmooyin iyo magaalooyin ka tirsan galmudug oo horay aan ugu sugnayn kooxahaas qaswadayaasha ah ay kusoo xad gudbeen oo ay kusoo duuleen sida kartida iyo qiimaha leh oo ay uga sifeeyeen dibna ay ugu soo celiyeen gacanta dowlada.Waxan rajeynaynaa inay deegaanadaGalmudug ay dib u heli doonaan dhamaan deegaanada dhiman”.

Dibad baxan ayaa u muuqda in lagu dhiirrigelinayo ciidamada XDS iyok kuwa maamul goboleedka Galmudug ee howlgallada ka dhanka ah Shabaab ka wada deegaanno ka mid ah gobollada Mudug iyo Galgaduud.

cada1

cada1 cada2 cada4 cada5 cada6 cada7 cada8

10 ku laabo mudug24 xiriir

1 COMMENT

LEAVE A REPLY

Please enter your comment!
Please enter your name here