Home Wararka Maanta Xasan Shiikh oo Natiijo la.aan kasoo laabtay Puntland

Xasan Shiikh oo Natiijo la.aan kasoo laabtay Puntland

0

Madaxweynaha Soomaaliya Xasan Sheekh Maxamuud ayaa maanta kusoo laabtay Muqdisho kadib markii uu maalmo ku sugnaa magaalada Garoowe, halkaasi oo uu kulamo dhowr ah kula qaatay Madaxweynaha Puntland Saciid Cabdullaahi Deni.

Natiijada kulamada labada masuul ayaa illaa iyo hadda laga soo saarin war rasmi ah marka laga reebo qoraal kooban oo lagu daabacay barta Villa Somalia, kaasi oo lagu sheegay in labada madaxweyne ka wada-hadleen xoojinta wada-shaqeynta hay’addaha dowladda, dardar-gelinta dagaalka ka dhanka ah argagixisada Al-Shabaab.

Waxaa xusid mudan in kulamada ay ahaayeen kuwo si gaar ah u dhex-marayay madaxweyne Xasan Sheekh iyo Saciid Deni, islamarkaana laga reebay dhamaan wasiiradii la socday madaxweyne Xasan iyo kuwa Puntland, sida uu sheegay Sakariye Maxamed Isticmaar oo kamid ah dhinacyadii uu Xasan Sheekh kula kulmay magaalada Garoowe.

Sakariye Isticmaar oo la hadlay warbaahinta gudaha qaarkood ayaa sidoo kale xusay in kulanka labada madaxweyne looga hadlay arrimo u gaar ah, sidaas darteedna loo ogaan waayay waxyaabihii ay ka wada-hadleen, isaga oo xusay inaysan jiri doonin wax war-saxaafadeed ah oo ay kasoo saari doonaan kulankooda.

“Labada Madaxweyne ee Xasan Sheekh Maxamuud iyo Saciid Cabdullaahi Deni ma aysan soo bandhigin wax ajendo ah oo ku saabsan kulamadoodii, maadaama aysan jirin khilaaf xoogan oo xiligaan ka dhex-jiray dowladda federaalka iyo dowlad-goboleedka Puntland,” ayuu yiri.

Mar aan   la xiriirnay Villa Somalia ayaa mas’uul ka tirsan waxa uu sheegay inaysna jirin khilaaf iyo colaad markii horeba u dhaxeysay labada dhinac, sidaas darteedna aysan jirin baahi loo qabo war-murtiyeed.

“Madaxweynaha wuxuu Puntland u tegay inuu kala hadlo wada-shaqeynta labada dhinac, iyo xoogaa tabasho ah oo jirtay uu ka qanciyo, mana jirto baahi loo qabo war-murtiyeed,” ayuu yiri sarkaalka la hadlay Warbaahinta

Marka laga imaado kulamadii ay yeesheen madaxweynaha Soomaaliya iyo madaxweyne dowlad-goboleedka Puntland ayaa waxaa soo baxaya warar sheegaya in Puntland ay ka aqbashay madaxweyne Xasan inay martigeliso shir wada-hadal oo ay iskugu imanayaan madaxda dowlada federaalka iyo kuwa dowlad-goboleedyada.

Si kastaba, Madaxda Puntland ayaa hore u sheegay inaysan ku qanacsanayn sida ay Madaxtooyada Soomaaliya wax u waddo, ayaga oo maamulka Xasan dusha u saaray “wada-shaqeyn la’aan”.

 

 

 

Kulan Dhexmaray Madaxweyne Xasan Shiikh iyo Dhigiisa Jabuuti Ismail:- Sawiro

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kulan muhiim ah la yeeshay Madaxweynaha Jamhuuriyadda Jabuuti Mudane Ismaaciil Cumar Geelle, iyagoo ka wada hadlay xoojinta xiriirka walaaltinimo iyo iskaashiga

Israel oo Duqeymo ka geysatay Saldhigyo uu la Wareegayo Turkiga

Diyaaradaha dagaalka ee Israa’iil ayaa fuliyey in ka badan 15 duqeyn oo lagu qaaday garoonka diyaaradaha ee Hama, taasoo socotay xalay qiyaastii saacad iyo bar. Afhayeenka ciidamada Israa’iil ayaa sheegay

Warar laga helayo dagaal culus oo ka socda Galbeedka gobolka Mudug

Wararka ka imaanaya gobolka Mudug ayaa sheegaya inuu haatan dagaal beeleed xoogan uu ka socdo inta u dhaxeysa deegaanada Jiicboor iyo Saax qurun oo dhaca Galbeedka gobolka Mudug. Dagaalkaan oo

Maamulka Koonfur Galbeed oo soo bandhigtay xubno kasoo baxsaday Kooxda Al shabaab

Wararka ka imaanaya magaalada Baydhabo ayaa sheegaya in Afar Xubnood oo katirsanaa Kooxda Al shabaab ay isku soo dhiibeen Ciidamada Booliiska Gaar ahaan laanta Baarista Dembiyada CID-da ee Gobolka Bay.

Diyaarad ay leedahay Dowlada Israel oo ku bur-burtay Magaalada Qaza

Warbaahinta Israa’iil ayaa baahiyay in diyaarad nuuca wax basaas ah oo ay lahaayeen milatariga Israa’iil shalay ku dhacday meel ku dhaw marinka Qasa ee dhulka Falastiin, kaddib marki la sheegay
Ad
Previous articleSoomaaliya Iyo Maraykanka oo Ka wada Hadlay Sida Loo wajaahaayo Dagaalka alshabaab ee Dhawan bilaaban doona(Sawiro)
Next articleSacuudi oo Hanjabaad u Diray Maraykanka