Madaxweynaha Soomaaliya Xasan Sheekh Maxamuud oo maalmahaan kusugnaa Caasimadda Muqdisho ayaa maanta dib ugu laabtay deegaanada uu ka socdo abaabulka howlgallada ka dhanka ah KooxdaAl shabaab.

Madaxweyne Xasan Sheekh ayaa ugu soo laabtay Muqdisho si uu kulammo kula qaato Guddoomiyaha Cusub ee Midowga Afrika iyo wafdi heer sare ah oo ka socday Dowladda Imaaratka Carabta, waxay intoobada kulamadaan xooga lagu saaray ammaanka Soomaaliya.

Madaxweynaha ayaa magaalada Raaga Ceelle ee Gobolka Shabeelada dhexe kula hadlay, boqolaal ka mid ah halyeeyada xaq u dirirka ah ee Macawisleeyda deegaanka, isaga oo ku booriyay sida ay uga go’an tahay in dhibaatada Al shabaab ay uga dulqaadi lahaayeen dadkeenna ay dhibaataynayaan argagixisadu.

Madaxweynaha ayaa intaas kaddib gaaray degmada Cadale ee Gobolka Shabeelaha dhexe, halkaan oo uu kasii wadi doono hoggaaminta abaabulka iyo howlagallada ka dhanka ah Argagixisada.

Dowladda Soomaaliya ayaa dhowanahaan waxa ay xoojisay dagaalka ka dhanka ah kooxda Al shabaab iyo duqeymaha lagu naafeenayo awooda kooxdaasi iyo saldhigyadoodi.