Shirka Madasha ee Madaxda Dowlada Goboleyada Koonfurta iyo Madaxweyne Xassan Sheikh ayaa socda hadda, xili aysan wali jirin horusocod laga gaaray cutubka doorashada oo ah wax ugu weyn, lana doonayo in la sameeyo ugu yaraan dib u balamid (waji qarsasho).
Madaxweynaha Juba Land Axmed Madoobe ayaa diidan in la aado mudo kororsi cusub ee Heer Dowlada gobaleed, xili dhammaan madaxda kale ay doonayaan sannad iska joogid ah, lagana hadlo arrimaha doorashooyinka Heer Federaal ee 2026-ka, iyadoo ay maqan tahay Puntland, taas oo uu sheegay in uusan u qaadeyn saami qeybsigiisa, August 2019-kii ayuu sheegay in ay JL qabsatay doorasho u madax banaan tahay, haddana taas la qabanayo.
Axmed Madoobe ayaa saaka ku adkeystay in uusan madasha tageynin, hayeeshee cadaadis xoogan oo la saaray oo ka imaanayay dhinaca RW Soomaaliya ayaa kalifay in uu madasha tago, laakiin lama filayo is aqbal fudud.
MW Soomaaliya ayaa doonaya in mustaqbalka Villada iyo mashruuceeda la badbaadiyo lana soo saaro in 15 maalmood ka dib labalamo, iyadoo hadda la sameynayo fadhi kagakac siyaasadeed.
