Faahfaahino dheeraad ah ayaa laga helayaa dagaal qaraar oo maanta ka dhacay degmada Alkowsar ee gobolka Shabeellaha Dhexe, kaasoo u dhexeeyay ciidamada dowladda iyo xubno ka tirsan kooxda Al-Shabaab.
Dagaalka ayaa yimid kadib markii xubno ka tirsan Alshabaab ay soo weerareen fariisimo ay ciidamada dowladda iyo kuwa deegaanka ku leeyihiin halkaasi, waxaana xigay dagaal toos ah oo la isku riiqmay, sida ay innoo sheegeen dadka deegaanka.
Dagaalkan oo soo gaaray illaa duhurnimadii maanta jab culus lagu gaarsiiyay kooxaha Alshabaab, waxaana laga dilay xubno badan, sida ay muujinayaan sawirro lagu baahiyay baraha bulshada ee internet-ka.
Dhanka kale Alshabaab ayaa saakay Jab Culus lagu Gaarsiiyay Dagaal ka dhacay Degaanka Beerayabaal Kaas oo xataa ay ka qayb galeen Ciidamadii ka yimid Galmudug oo kaa shanaaya Kuwa xooga iyo Macawislayda Deegaanka.
Dagaalka Sadexaad oo ah halka Dagaal ee ay Alshabaab guul ka gaareen ayaa ka dhacay Deegaanka Ceel Cali axmed oo ugu danbayn Alshabaab Gacanta ugalay Dagaalkaas ayaa la xaqiijiyay in Alshabaab ay gacanta Ku dhigeen Saadkii Ciidamada Dowlada iyo Hub dowladu Lahayd.
Qaar ka mid ah Ciidamada Dowlada iyo Macawislayda Deeganka ayaana Ilaa Hada nolol iyo geeri lagu hayn Kadib markii ay firxadeen.
