Warar lagu kalsoonaan karo oon helnay ayaa sheegaya in ciidanka xoogga dalka iyo kuwa dadka deegaanka ee ku sugnaa degmada Ceelbuur ee gobolka Galgaduud, halkaasi isaga baxeen saacadihii lasoo dhaafay.
Ciidamada oo Jimcihii la wareegay degmada Ceelbuur ayaa shalay gelinkii dambe isaga baxay degmada , waxa ayna u ruqaansadeen dhinaca degmada Curiceel, waxaana lasoo sheegayaa in ay ciidanka joogaan deegaanno u dhaxeeya Ceelbuur iyo Guriceel.
Saraakiisha ciidanka xoogga dalka ayaa la sheegay in lagu amray in ciidanka kasoo saaraan degmada Ceelbuur, kaddib markii ciidankii kale ee dowladda ka baxeen degmooyinka Galcad, Ceeldheer ,Bud-bud iyo Masagaway oo dhammaan katirsan Galgaduud.
Ciidamada oo dhibaato badan ka maray qabsashada Ceelbuur iyo degmooyinka kale ee gobolka Galgaduud ayaa si fudud oo dagaal laáan ah goobahaasi uga baxay, waxaana loo sababeenayaa khilaaf ka dhax jira taliska ciidanka iyo wasaarradda gaashaandhigga.
