Madaxweynaha Turkiga Recep Tayyip Erdogan ayaa ku dhawaaqay inuu baajiyay howlihiisa doorashada ee loo qorsheeyay maanta oo Arbaco ah.
Wararka ayaa sheegaya in Sababta uu howsha ololihiisa u baaijyay ay tahay in uu dareemayo xanuun dhanka caloosha ah, xilli ay doorashada ka harsan tahay wax ka yar bil .
Talaadadii, Erdogan ayaa waxaa la jaray wareysi toos ahaa oo uu taleefishin siinayay ka hor inta uusan soo laaban oo uu raaligelin ka bixin, iyada oo sababta lagu sheegay in caloosha ay xanuunaysay.
Qoraal uu soo dhigay bartiisa Twitter-ka ayuu Erdogan oo 69 jir ah ku yiri “Maanta (Arbaca) waxaan ku nasan doonaa guriga anigoo raacaya talada dhaqaatiirteena”.
Erdogan ayaa sidoo kale yiri “Illahay idamkii waxaan sii wadeynaa barnaamijkeena laga bilaabo berri, waxaan sii wadi doonaa inaan ka shaqeyno sidii ummadeena aan jecelnahay u gaarsiin lahayn himilooyinka qarniga Turkiga”.
Erdogan ayaa lagu waday in xalay uu wareysi siiyo warbaahinada kala ah Ulke iyo Kanal 7, balse wxaa uu wareysigaasi dib u dhacay mudoo 90 daqiiqo.
Erdogan ayaa dib ugu soo laabtay wareysiga 15 daqiiqo ka dib raaligalina bixiyay , isaga oo sheegay in uu xanuunsaday.
Madaxwaynaha Turkiga ayaa si aan kala joogsi lahayn waxaa uu maalmihii u dambeeyya ugu jira ololaha doorashada isaga oo booqanayay gobolo kala duwan.
Ololihiisa doorashada oo lagu waday in uu maanta ku tago saddex magaalo ayaa waxaa imika hogaamin doona madaxwayna ku xigeenka Turkiga Fuat Oktay.
Erdogan ayaa waxaa uu dadaal xooggan ugu jiraa sidii isaga iyo xisbigiisa ugu guukeysan lahaayeen doorashada madaxwaynanimada iyo tan baarlamaanka dalkaasi.
Doorashada madaxtinimada ee dalka Turkiga ayaa lagu wadaa 14 bisha may ee fooda inaugu soo haysa.
Madaxweynaha Turkiga Recep Tayyip Erdogan ayaa waxaa uu tartan adag kala kulmayaa xisbiyada mucaaradka dalkaasi oo is bahaysi sameystay.
Erdogan iyo Xisbiga Cadaaladda iyo Horumarka ayaa 20-kii sano ee la soo dhaafay gacanta ku hayay siyaasadda Turkiga, balse ololaha doorashada ee hadda socda ayaa ah mid ka mid ah caqabadaha ugu waaweyn ee hortaagan madaxweynaha xilka haya.
Markii uu wareysiga bilaabmay oo uu socday 10 daqiiqo ka dib ayaa waxaa hadana dhacday in la hakiyo oo uu madaxwaynaha meesha ka baxo.
Ma jirto ilaa iyo imika wax faahfaahin ah oo ka soo baxday xukuumadda Turkiga oo ku aadan xanuunka madaxwayne Erdogan.
Ra’yi ururin la sameeyay ayaa muujinaya in tartanka uu noqon doono mid aad u adag oo u dhexeeya isaga iyo Kemal Kilicdaroglu.
Erdoğan, oo 69 jir ah, ayaa xukunka hayay tan iyo 2003-dii, waxaana lagu wadaa in uu galo dadaal adag u galo oo dib sidii dib loogu dooran lahaa.
