Labo qof oo kala ah wiil 18 jir ah iyo wiil 17 jir ah ayaa lagu helay dambi ah inay gabar aan qaangaar ahayn ku kufsadeen musqul dadweyne oo ku yaalla bartamaha magaalada Täby ee waqooyiga magaalada Stockholm dayrtii hore.
laba ilaalo ah ayaa ogaaday sida ay labada dembiilayaal u galeen ama uga soo baxeen musqul dadweyne, iyada oo gabadhuna ay halkaas joogtay, sida uu booliisku ku qoray war-saxaafadeed.
Ciidamada Booliska ayaa markii hore gacanta ku dhigay raggii falkan geystay oo lagu soo qabtay waxyaabaha maanka dooriya, balse markii ay la hadleen gabadha da’deeda ka yar tahay 15 sano ayaa waxaa soo baxay xog ku saabsan in la kufsaday.
18-jirkan ayaa lagu xukumay afar sano iyo lix bilood. 17 jirku waxa uu helayaa xanaano dhalinyaro oo dhan muddo hal sano iyo afar bilood ah. Labaduba waxaa lagu helay dambi ah kufsi loo geystay ilmo iyo caawinta iyo gacansiinta kufsiga ilmaha.
