Somaliland ayaa sheegtay inay gacanta ku dhigtay xubno ka tirsan kooxda Al-Shabaab, kuwaas oo kasoo safray dhanka degmada Jilib ee gobolka Jubbada Dhexe.
Xubnaha gacanta lagu soo dhigay ayaa ka kooban todobo qof oo isugu jiro rag iyo dumar, sida lagu sheegay warka qoraalka ah.
Todobada qof ayaa laba kamid ah waxa ay yihiin dumar, kuwaas oo ay Somaliland sheegtay inay xasaas u yihiin Amiiro ka tirsan Al-Shabaab.
Sidoo kale waxaa la sii raaciyay “Kooxdan ayaa ka soo safray deegaanka Jilib ee koonfurta Soomaaliya, labada dumarka ah ayaa xaasas u ah amiiro Al- Shabaab ah”.
Sawirrada xubnahan oo la baahiyay ayaa waxaa haatan ku socdo baaritaano dheeraad ah, sida ay sheegeen laamaha ammaanka Somaliland.
Si kastaba, qabashada xubnahan ayaa kusoo aadaya, ayada oo kooxda Al-Shabaan ay dhowaan digniin culus kasoo saartay heshiiska badda ee uu Muuse Biixi la galay ra’iisul wasaaraha Itoobiya Abiy Axmed.
