Wasaaradda Arrimaha Gudaha Puntland ayaa ka hadashay ilaalinta xuquuqda aadanaha ee dadka ajaanibta ah, kaddib markii dadweyne caraysan ay magaalooyinka Boosaaso iyo Garoowe ku beegsadeen dadka Itoobiyaanka ah ee sida sharci-darrada ah ku jooga Puntland.
War-saxaafadeed kasoo baxay wasaaradda arrimaha gudaha ayaa lagu adkeeyay muhiimadda ay leedahay in shacabka Puntland ay si dhow ula shaqeeyaan hay’adaha amniga iyo kuwa sharciga fulinaya, iyagoo loogu baaqay inay ka fogaadaan fal kastoo xad-gudub ah ku ah sharciga.
Wasaaraddu waxay shacabka xasuusisay in Puntland tahay deegaan ku dhisan sharci iyo kala dambayn, laguna saleeyay mabda’a dhowridda nafta, hantida, karaamada iyo xuquuqda qofka.
“Sidaas darteed, wasaaradda ayaa mar kale ugu baaqaysa shacabka in ay ka fogaadaan falalka sharci-darrada ah, isla markaana ay garab istaagaan hay’adaha ku shaqada leh la xisaabtanka cid kasta oo halis ku ah nabadda iyo amniga Puntland,” ayaa lagu yiri qoraalka wasaaradda.
Sidoo kale, wasaaraddu waxay sheegtay, iyadoo la kaashanaysa bah-wadaagta kale ee Puntland, in ay si gaar ah uga shaqaynayso kala saaridda dadka si sharci ah ugu nool Puntland iyo kuwa aan haysan oggolaansho rasmi ah, si loo xaqiijiyo in la waafajiyo sharciga ciddii jebisa.
Shalay ayay markii ay Puntland magaalada Garowe ka tarxiishay in ka badan kun muhaajiriin ah oo kasoo jeeda Ethiopia, kuwaas oo maalmihii lasoo dhaafay laga qabtay kantaroolada Garowe iyo xaafadaha dhexdooda.
Taliska Mareykanka ee Afrika (AFRICOM), oo kaashanayay Dowladda Federaalka Soomaaliya, ayaa 15-kii Abriil 2025 duqeyn cirka ah ka fuliyay gudaha Soomaaliya, si loo burburiyo hub casri ah oo saarnaa dooni
In ka badan 35 xubnood oo ka tirsan kooxda Al-Shabaab ayaa lagu dilay howlgal culus oo ay si wadajir ah u fuliyeen Ciidanka Xoogga Dalka Soomaaliyeed iyo Daraawiishta Koonfur Galbeed.
