Rwanda waxay sheegtay in aysan u celineyn Britian malaayiinta doolar kaddib markii uu burburay heshiiska muhaajirinta lagu geynayay dalkooda.
Raysalwasaaraha cusub ee UK, Keir Starmer, ayaa dhammaadkii toddobaadka sheegay in qorshaha magangalyo doonka lagu geynayo Rwanda uu yahay mid dhintay, lagana tagay.
Barnaamijkaas waxaa sameeyay xisbiga muxaafidka kaas oo ilaa markii la bilaabay 2022-kii ay ku baxday 310 milyan oo doolar.
Sharciyan waxa uu ka dhigan yahay heshiiska in aan la hirgelin. Isniintii ayey Britain muujisay in ay rajo ka qabto in dib loogu soo celiyo lacagta.
Maalintii xigtay ayuu afhayeen u hadlay dowladda Rwanda ka sheegay telefishinka dalka. “Aan cadeyno tan, in lacagta la bixiyo hehsiiska kuma jirin”
Bishii Janaayo, kaddib 21 bilood markii barnaamijka istaagay ayuu madaxweynaha Paul Kagame sheegay in qaar ka mid ah lacagta la celiyo hadii aan wax muhaajiriin ah dalka la keenin.
Balse dowladda Rwanda ayaa mardambe sheegtay in aysan ku qasbaneyn in ay Britian u celiso lacagta.
