Qaar kamid ah madaxda caalamka ayaa durbaba billaabay inay u hambalyeeyaan Donald Trump, kadib markii uu isaga sheegay inuu ku guuleystay doorashada madaxtinimo.
“Waan kugu hambalyeeynayaa guusha taariikhiga ah ee aad ka gaartay doorashada madaxtinimo, isla markaana aad dib ugu soo laabatay aqalka cad”, ayuu yiri raysal wasaaraha Israa’iil Benjamin Netanyahu.
Waxaa uu intaa ku daray in guushiisa ay “billow cusub u tahay Mareykanka iyo sidoo kale xiriirka u dhaxeeya Israa’iil iyo Mareykanka”.
“Tani waa guul weyn” ayuu sii raaciyay Netanyahu.
Waxaa xusid mudan in Trump uu sheegtay guul balse uusan weli gaarin tirada loo baahanyahay ee uu ku guuleysan karo.
Ad
