Ra’iisul Wasaaraha Xukuumadda Federaalka Soomaaliya, Mudane Xamse Cabdi Barre ayaa maanta qaabilay Danjiraha Dowladda Mareykanka u fadhiya magaalada Muqdisho Larry Andre.
Kulanka ayaa diiradda lagu saaray xiriirka labada dal iyo iskaashiga dhinacyada amniga, la-dagaallanka argagixisada, horumarinta dhaqaalaha, deyn-cafinta iyo xoojinta taageerada dhinacyada badan ee dowladda Mareykanku ay siiso Soomaaliya.
Ra’isul Wasaare Xamse Cabdi Barre ayaa ku ammaanay dowladda Mareykanka garab istaaga ay u muujiyeen Soomaaliya, waxa uuna uga mahadceliyya dowladda Mareykanka taageerada ay siiso ciidamada qalabka sida .
Danjiraha Dowladda Mareykanka u fadhiya Soomaaliya Larry Andre ayaa la filayaa in dhawwaan xafiiska baneeyo, waxaana madaxweynaha Mareykanka dhawwaan soo magacaabay safiir cusub oo danjirahan xafiiska kala wareegaya.
