Wararka ka imaanaya gobolka Mudug ayaa sheegaya in maanta qarax khasaare gaystay uu ka dhacay gudaha magaalada Caad oo ka tirsan koonfurta gobolkaasi, taas oo dhowaan uun lagala wareegay kooxda Al-Shabaab.
Ilo deegaanka ahaa ayaa inoo sheegay in jugta qaraxa, si weyn looga maqlay magaalada, kadibna ay goobta ay gaareen ciidamada Xoogga dalka ee ku sugan halkaasi.
Qaraxa oo ahaa miino ayaa ka dhacay bartamaha magaalada, waxaana ku dhintay hal qof oo shacab ahaa, sida ay innoo xaqiijiyeen ilo wareedyo xilkas ah.
Ma jiro wax hadal ah oo kasoo baxay saraakiisha laamaha ammaanka oo ku aadan qaraxaasi, waxaase lagu soo warramayaa in weli howlgallo ay ka socdaan Caad.
Xaaladda ayaa maanta ah mid kacsan, waxaana ciidamada dowladda iyo kuwa deegaanka la sheegay inay isku fidiyeen deegaanka, si ay u beegsadaan xubnaha Al-Shabaab.
Caad ayaa waxaa marar badan ka dhacay weeraro iyo dagaallo toos oo u dhexeeyay ciidamada dowlada iyo Al-Shabaab oo isku bad-beddalay maamulka deegaankaasi.
Guud ahaan waxaa Mudug ka socda howlgallo culus iyo duqeymo ka dhan ah Al-Shabaab, kuwaas oo khasaare lixaadleh lagu gaarsiiyay maleeshiyaadka kooxdaasi.
Diyaaradaha dagaalka ee Israa’iil ayaa fuliyey in ka badan 15 duqeyn oo lagu qaaday garoonka diyaaradaha ee Hama, taasoo socotay xalay qiyaastii saacad iyo bar. Afhayeenka ciidamada Israa’iil ayaa sheegay
Wararka ka imaanaya magaalada Baydhabo ayaa sheegaya in Afar Xubnood oo katirsanaa Kooxda Al shabaab ay isku soo dhiibeen Ciidamada Booliiska Gaar ahaan laanta Baarista Dembiyada CID-da ee Gobolka Bay.
Warbaahinta Israa’iil ayaa baahiyay in diyaarad nuuca wax basaas ah oo ay lahaayeen milatariga Israa’iil shalay ku dhacday meel ku dhaw marinka Qasa ee dhulka Falastiin, kaddib marki la sheegay
