Maxkamadda Ciidamada Qalabka Sida ee deegaanada Jubbaland ayaa saakay dil toogasho ah ku fulisay shan nin oo ka tirsanaa Kooxda Alshabaab, kuwaas oo horay magaalada Kismaayo uga gaystay dilal kala duwan, waxayna Alshabaab u qaabilsanaayeen dilalka qorsheysan ee madax-jebinta ah.
Dadka ay horay u dileen ragga maanta la toogtay waxaa ka mid ahaa Sheekh Cumar Maxamed Daahir, Sheekh Cabdullaahi Dalab iyo Ugaas Aadan Maxamed Geedi oo caan ka ahaa magalaada Kismaayo.
sidoo kale qaraxyo iyo dilal kale oo deegaanada Jubbaland ay ka geysteen ayey maxkamaddu ku heshay 5-taas nin, waxaana lagu fuliyey qisaasta dadkii ay dileen.
Ragaan saaka la tooktay ayaa kala ahaa Maxamed Cabdullaahi Abukar Deerow, Cismaan Maxamed Mursal oo horay u dilay AUN marxuum Sheekh Cumar Maxamed Daahir, halka Gacan ku dhiigle Maxamed Ibraahim Cali iyo gacan ku dhiigle Ilyaas Maxamed Xassan oo iyaguna si wadajira u fuliyay dilkii AUN Marxuum Sheekh Cabdullaahi Dalab.
gacan ku dhiiglaha shanaad ayaa ahaa ninkii Dilay Ugaas Aadan Maxamed Geedi oo haray Maxkamadda Ciidamada Jubbaland ay dil toogasho ah ugu xukuntay kaas oo magaalada Kismaayo iyo agagaarkeeda ka gaystay qaraxyo iyo dilal qorsheysan.
