Maraykanka ayaa dacwad ku soo oogay hoggaamiyaha ururka Xamaas, Yaxye Sinwar iyo xubno kale oo ka tirsan ururkaas, kuwaas oo lagu eedeeyay inay ku lug lahaayeen weerarkii kooxdu ku qaadday Israa’iil 7-dii Oktoobar, 2023-kii.

Waaxda cadaaladda ee dalka Mareykanka ayaa lix xubnood oo ka tirsan Xamaas ku soo oogtay 7 eedeymo, oo ay ku jiraan dil dad Amerikaan ah, shirqool lagu taageerayo falalka argagixisanimo, iyo adeegsiga hubka wax gumaada.

Tani waa tillaabadii ugu horeysay oo ay qaadaan saraakiisha Mareykanka sibaa la yiri ay ula xisaabtamaan ciddii ka dambeysay weerarkaas , inkastoo saddex ka mid ah eedaysanayaasha ay dhinteen, halka Yaxye Sinwaar uu hadda yahay madax siyaasadda ee kooxda, xilkaas oo uu horey u hayay Ismaaciil Haniyaha oo dhawaan lagu dilay dalka Iran.