Dowladda Mareykanka ayaa bogaadisay dadaallada ay dadka Soomaaliyeed iyo Dowladood ay ugu jiraan la dagaallanka argagixisada iyo dhisidda mustaqbal barwaaqo ah, iyadoo xaqiijisay inay ka go’an tahay sii wadida ka shaqeynta arrimaha khuseeya labada dal.
Rubio ayaa sheegay in Mareykanka uu rajaynayo xoojinta xiriirka ay Dowladiisa la wadaagto Soomaaliya, iyadoo la iska kaashanayo dhinacyada kobaca dhaqaalaha iyo la dagaalanka xagjirnimada.
Waxa uu intaasi ku daray “Waxaan bogaadineynaa dadaalka ay dadka Soomaaliyeed ugu jiraan la dagaallanka argagixisada iyo sidii loo dhisi lahaa mustaqbal horumar leh”, isagoo xusay in dalkiisa ay ka go’an tahay sii wadida ka shaqeynta arrimaha khuseeya labada dal.
Shacabka Soomaaliyeed ayaa maanta u dabaaldegaya 65-guurada ka soo wareegtay maalintii ay Soomaaliya xorriyadda iyo midnimada heshay.