Dowladda Mareykanka ayaa sheegtay in ay cunaqabateyn ku soo rogayso Francesca Albanese, oo ah u qaabilsanaha Qaramada Midoobay u qaabilsan xuquuqul insaanka ee dhulka la heysto ee Falastiin, taasoo si weyn u dhaleeceysay xulafada Mareykanka ee dagaalka Gaza .
“Maanta waxaan cunaqabatayn saarayaa Ergeyga Gaarka ah ee Golaha Xuquuqul Insaanka Qaramada Midoobay Francesca Albanese, dadaalkeeda sharci darrada ah iyo ceebaynta ah ee ay ku doonayso inay (Maxkamadda Caalamiga ah ee Dambiyada) tallaabo ka qaado mas’uuliyiinta, shirkadaha, iyo madaxda Maraykanka iyo Israa’iil,” ayuu xoghayaha arrimaha dibadda Marco Rubio ku yiri hadal uu soo saaray.
Qoraal ay soo dhigtay X dabayaaqadii Arbacadii, Albanese waxay qortay inay si adag oo qancin leh ugu istaagtay dhinaca cadaaladda, sidii aan waligay samayn jiray, iyada oo aan si toos ah u xusin cunaqabataynta Maraykanka.
Fariin qoraal ah oo ay u dirtay Al Jazeera, ayaa laga soo xigtay in ay meesha ka saartay tillaabada Mareykanka oo ay ku tilmaantay “farsamooyinka cabsigelinta qaabka maafiyada.”
Albanese, oo ah qareen Talyaani ah iyo aqoonyahan, ayaa ugu baaqay dowladaha ku jira Golaha Xuquuqul Insaanka ee Qaramada Midoobay inay cunaqabatayn hubka ah saaraan oo ay joojiyaan ganacsiga iyo xiriirka maaliyadeed ee ay la leeyihiin Israa’iil iyadoo ku eedeesay xulafada Mareykanka inay “olole xasuuq” ka wadaan Gaza.
Wararka ugu Danbeeyay ee Maanta
Ad
