Home Wararka Somaliya Hirshabeelle Madaxweyne Xasan Sheekh “Axmed Waa Axmed, qabiil ma ahan, Shaqsi waaye, talo...

Madaxweyne Xasan Sheekh “Axmed Waa Axmed, qabiil ma ahan, Shaqsi waaye, talo uu qabiilkiisa geed u fariistayna kuma uu socdo”

0

Madaxweyne Xasan Sheekh “Axmed Waa Axmed, qabiil ma ahan, Shaqsi waaye, talo uu qabiilkiisa geed u fariistayna kuma uu socdo, ee waa talo asaga ku kooban”

Madaxweyne Xasan Sheekh ayaa maanta khudbad dheer ka jeediyey masaajidka Madaxtooyada, isaga oo si gaar ah diiradda u saaray xaaladda siyaasadeed ee Jubbaland. Madaxweynaha ayaa sheegay in maanta uu ka hadlayo arrinta Jubbaland oo keliya, isaga oo faahfaahin ka bixiyey muranka siyaasadeed ee halkaas ka jira.

Madaxweynaha ayaa tilmaamay in waxa uu ugu yeeray qandhada siyaasadeed ay ka bilaabatay isku daygii looga hishiin lahaa doorashoyinka. Wuxuu si cad ugu eedeeyey Madaxweynaha Jubbaland Axmed Madoobe inuu dastuurka Jubbaland u furay si uu markale ugu soo laabto xukunka markii saddexaad, taasoo uu ku tilmaamay mid aan la ogalaan doonin.

Sidoo kale Madaxweynaha ayaa sheegay in Axmed Madoobe uu ku dooday in muddo-xileedkiisii uu dhammaaday, loona baahan yahay in mandate cusub uu helo, balse Madaxweynaha ayaa sheegay in sannadka dheeriga ah ee uu xafiiska kusii joogay uu ku yimid heshiis siyaasadeed oo Madashu gaartay. Madaxweynaha ayaa ku eedeeyey Axmed Madoobe in shirkii ugu dambeeyey ee Golaha Wadatashiga Qaran uu keenay soo jeedin ah in la dhiso guddiyada FIAT iyo SEAT, balse markii dambe uu si lama filaan ah shirkii uga baxay.

Madaxweynaha ayaa sidoo kale xusay in Ra’iisul Wasaaraha uu ka joojiyey safar uu ku tagi lahaa Kismaayo, isaga oo sheegay in arrintaas looga gol lahaa in laga baaqsado xasilooni darro ka dhacda Jubbaland.

Dhanka kale, Madaxweynaha ayaa ku nuuxnuuxsaday in aysan dib ugu noqon doonin nidaamka doorasho ee dadban, balse ay ka go’an tahay in la qabto doorasho qof iyo cod ah taasoo ka dhici doonta meel kasta oo suurtagal ah. Isagoo ka hadlayey arrimaha daabulidda ciidanka ayaa Madaxweynahu sheegay in labadii xilli doorasho ee lasoo dhaafay uu ka fogaaday in xoog militeri loo adeegsado xalinta khilaafaadka siyaasadeed.

Ugu dambeyn, Madaxweynaha ayaa hadalkiisa kusoo gunaanaday in waxa la isku heysto aysan ahayn maamulka Jubbaland, balse uu yahay hogaamiyaha muddo dheer soo maamulayey Jubbaland Axmed Maxamed Islaam (Axmed Madoobe). Wuxuu sheegay in aysan aqbali doonin in Axmed Madoobe uu 18 sano sii heysto maamulka Jubbaland.

Kulan Dhexmaray Madaxweyne Xasan Shiikh iyo Dhigiisa Jabuuti Ismail:- Sawiro

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kulan muhiim ah la yeeshay Madaxweynaha Jamhuuriyadda Jabuuti Mudane Ismaaciil Cumar Geelle, iyagoo ka wada hadlay xoojinta xiriirka walaaltinimo iyo iskaashiga

Israel oo Duqeymo ka geysatay Saldhigyo uu la Wareegayo Turkiga

Diyaaradaha dagaalka ee Israa’iil ayaa fuliyey in ka badan 15 duqeyn oo lagu qaaday garoonka diyaaradaha ee Hama, taasoo socotay xalay qiyaastii saacad iyo bar. Afhayeenka ciidamada Israa’iil ayaa sheegay

Warar laga helayo dagaal culus oo ka socda Galbeedka gobolka Mudug

Wararka ka imaanaya gobolka Mudug ayaa sheegaya inuu haatan dagaal beeleed xoogan uu ka socdo inta u dhaxeysa deegaanada Jiicboor iyo Saax qurun oo dhaca Galbeedka gobolka Mudug. Dagaalkaan oo

Maamulka Koonfur Galbeed oo soo bandhigtay xubno kasoo baxsaday Kooxda Al shabaab

Wararka ka imaanaya magaalada Baydhabo ayaa sheegaya in Afar Xubnood oo katirsanaa Kooxda Al shabaab ay isku soo dhiibeen Ciidamada Booliiska Gaar ahaan laanta Baarista Dembiyada CID-da ee Gobolka Bay.

Diyaarad ay leedahay Dowlada Israel oo ku bur-burtay Magaalada Qaza

Warbaahinta Israa’iil ayaa baahiyay in diyaarad nuuca wax basaas ah oo ay lahaayeen milatariga Israa’iil shalay ku dhacday meel ku dhaw marinka Qasa ee dhulka Falastiin, kaddib marki la sheegay
Ad
Previous articleShirkadaha Diyaaradaha Gudaha iyo Dowlada Soomaaliya oo Heshiiyay Kadib Dulimaad la,aantii Maantay
Next articleCiidamada Cirka iyo Kuwa Badda oo Ku Biiray Xiisada Ka Taagan Jubaland