Munaasabad lagu furayey Kalfadhiga 10-aad ee Golaha Wakiillada Galmudug ayaa Maanta ka dhacday Caasimadda Galmudug ee Dhusamareb
Munaasabadda furitaanka Kalfadhiga 10-aad ee Golaha Wakiillada 2aad ee Galmudug ayaa maanta waxaa furay Madaxweynaha Dawlad Gobaleedka Galmudug Mudane Axmed Cabdi Kaariye Qoor-qoor ayna ku wehliyeen Guddoomiyaha Golaha Wakiillada Dr Maxamed Nur Gacal, Guddoomiye Kuxigeenka 1aad ee Golaha Mudane Cabdullahi Xirsi Maxamed iyo Labada Gole ee Wakiillada iyo Xukuumadda Galmudug.
Guddoomiyaha Golaha Dr Maxamed Nur Gacal oo Khudbad ka jeediyey ayaa xusay Guulihii Shaqo ee uu Goluhu gaaray Muddadii u dhaxeysay labada Kalfadhi ee 9aad iyo 10aad, kadib Guddoomiyaha ayaa soo bandhiga Qorshe-hawleedka Kalfadhiga 10-aad ee Maanta furmay.
Madaxweynaha Galmudug oo isna Khudbad ka jeediyey ayaa u Mahad-celiyay Guddoonka iyo Xubnaha Golaha Wakiillada Galmudug isaga oo ku ammaanay Shaqooyinkii hufnaa ee ay Bulshada Galmudug u soo qabteen, welina u taaganyihiin, kadib Madaxweynaha ayaa si Rasmi ah u Furay Kalfadhiga 10aad ee Golaha Wakiillada Galmudug.
Dhinaca kale, Gudoomiyaha Golaha Wakiilada Galmudug Dr Maxamed Nur Gacal iyo Madaxweynaha Galmudug mudane Axmed Cabdi kaariye qoor qoor ayaa kor meeray dhismaha cusub ee uu ku shaqeyn doono Golaha Wakiilada Galmudug
Gudoomiyaha iyo Madaxweynaha ayaa warbixin ka dhageystay engineerada gacanta kuhaya dhismaha xarunta cusub ee Golaha Wakiilada Galmudug.
