Sida ay sheegayaan wararka laga helayo magaalada Muqdisho, dawladda Faderaalka ayaa garoonka Aaden Adde ku xanibtay taliyaha guutada 9aad ee ciidamada kusugan Xudur, isagoo kasoo duulay Baydhabo, oo uu kaga qeybgalay kulan looga hadlayay arrimaha Amniga Koonfur Galbeed oo ay saraakiisha deegaanada kale duwan la yeesheen madaxweynaha Koonfur Galbeed Cabdicasiis Laftagareen, wuxuuna hadda ku sii jeeday magaalada Xudur.
Dadaal uu garwadeenka ahaa gudoomiyaha golaha Shacabka Sheikh Aaden Madoobe ayaa lagu guuleystay in Taliyaha & Ilaaladiisa xoriyadooda lasiiyo, iyadoo laga reebay maanta duulimaadkii ay Xudur ku aadi lahaayeen.
Sidaas oo kale duulimaad diyaaradeed oo magaalada Baraawe geyn lahaa wasiiro & Saraakiil katirsan Dawlad Koonfur Galbeed ayay diiday DFS oo ay diiday, taas oo muujinaysa sii kororka dagaal siyaasadedka Villa Somalia & Koonfur Galbeed.
