Khilaaf u dhaxeeyo Guddoomiyaha Maaliyadda iyo kan amniga ee gobalka Banaadir ayaa maanta ka taagan xarunta dowladda Hoose ee Muqdisho.
Mas’uuliyiintaan ayaa isku khilaafay qofka noqonaya Guddoomiye ku xigeenka 1-aad iyo ku simaha Guddoomiyaha Gobalka Banaadir ahna duqa Muqdisho maadaama uu dalka dibadiisa ku maqan-yahay Sheekh Yuusuf Jimcaale Guddoomiyaha Gobalka Banaadir.
Guddoomiye Madaale ayaa ka hor inta uusan u ambabixin dalka Masar ku simaha Guddoomiyaha Gobalka Banaadir iyo duqa Muqdisho u magacaabay Maxamed Axmed Yabooh oo ah Guddoomiye ku xigeenka amniga iyo siyaasadda.
Villa Somalia hore uma cadeynin qofka ah Guddoomiye ku xigeenka 1-aad, si lamid ah dowladdii hore ee Madaxweyne Farmaajo si looga baaqsado is qabqabsi iyo muran shaqada saameeya sida hadda ka taagan Gobalka Banaadir.
