Madaxweyne kuxigeenka Mareykanka Kamala Harris ahna murashaxa Madaxweynaha ee xisbiga Dimuquraadiga ayaa u magacowday Kuxigeenkeeda Guddomiye Tim Walz.
Tim Walz ayaa hada haya xilka Guddoomiyaha Gobalka Minnesota oo ah gobalka ay degen yihiin Jaaliyadda ugu badan ee Soomaalida.
Walz ayaa kamid ahaa xubnaha xilkan la filayey in loo magacaabo, wuxuuna kamid yahay garabka isbedal doonka ee xisbiga Dimuquraadiga.
Guddoomiye Walz ayaa sidoo kale la filayaa magacaabistiisa inay soo dhaweeyaan taageerayaasha xisbiga ee sida weyn u dhaliilsanaa siyaasada ku aadan Israel.
Wuxuu kamid ahaa Tim Walz xubnaha sar sare ee xisbiga ee cambaareeyey xasuuqa Israel ka wado Gaza.
Waxaa la filayaa in magacaabistiisa ay ka caawiso xisbiga Dimuquraadiga helida cododka dhalinyarada.
Guddoomiye Walz oo ah siyaasi codkar ah ayaa kamid ah xubnaha sida ugu adag u cambaareeya xisbiga Jamhuuriga.
Xilalka uu horey usoo qabtay ayaa waxa kamid ah Xildhibaan Kongareeska, isagoo sidoo kale horey usoo ahaa askari ka tirsan ciidamada kaydka Minnesota iyo Macalin.
