Warar kala duwan ayaa kasoo baxaya howlgallo culus oo xalay ka dhacay duleedka magaalada Muqdisho, kuwaas oo ay fuliyeen ciidamada Boolis Milataaro ee ku sugan deegaanada u dhow caasimada.
Howlgallada oo ahaa kuwa qorsheysan ayaa ka dhacay deegaannada Tabeelaha Sheekh Ibraahim, Siinka Dheer, illaa Ceelasha Biyaha oo xalay lagu arkay ciidamo dheeraad ah.
Wararka ayaa sheegaya in ciidamadu ay gudaha u galeen xaafadaha deegaannadaasi, iyaga oo kadib ka sameeyay baaritaanno lagu xaqiijinayay amniga.
Saraakiil ka tirsan laamaha ammaanka oo aan la xiriirnay ayaa innoo sheegay in ujeedka howlgalladan uu ahaa amni xaqiijin, si loo hubiyo amniga agagaarka Muqdisho.
Sidoo kale waxa ay tilmaameen in howlgalladan lagu soo qabtay dad tuhmanayaal ah oo lasoo xiray, kuwaas oo ay ku socdaan baaritaanno dheeraad ah.
Ciidamada Boolis Milataaro ayaa ku sugan hareeraha caasimada, waxaana badanaa ay ka sameeyaan howlgallo lagu sugayo amniga, si looga hortago weerarada Al-Shabaab iyo qaraxyada ay soo geliyaan caasimada.
Si kastaba, howlgalladan ayaa kusoo aaday, iyada oo maalin kahor qarax xooggan oo dhaliyay khasaare dhimasho iyo dhaawacba leh uu ka dhacay maqaayad ku taalla deegaanka Ceelasha Biyaha ee duleedka magaalada Muqdisho.
Madaxweynaha Mareykanka, Donald Trump ayaa Isniintii ku dhawaaqay in dowladdiisu ay wada hadal toos ah la bilaabeyso Iran, kaas oo la xiriira barnaamijkeeda sameysashada ee hubka nuclear-ka iyo sidii ay
Dad badan oo muhaajiriin ah oo kunool gobollo katirsan dalka Mareykanka, ayaa haatan waxaa soo wajahay walaac kale oo hor leh, kaddib markii dowladda Madaxweyne Trump soo saartay amar cusub
Wararka ka imaanaya gobolka Shabeellaha Dhexe ayaa sheegaya in aroorninadii hore ee saakay ciidamada xoogga dalka iyo kuwa deegaanka howlgal qorshaysan kaga saareen deegaanka Geelgub ee gobolka Shabeellaha Dhexe maleeshiyaadka
