Maamulka Goblka Banaadir ayaa caawa Albaabada isugu dhuftay gooba lagu iibiyo Maandooriyaha islamarkaana ay isugu yimaadan Raga iyo Dumarka kuwaasoo ku yaala xeebta Liido ee Degmada Cabdicasiis.
Goobahan oo gabdhaha ay ku galaan lacag la’aan, balse wiilasha looga qaado $10 dollar ayaa ah kuwo caan ka ah xeebta Liido, iyadoo halkaas loogu tagay wiilal iyo gabdho fara badan oo tumanaya xili saq dhexe, isla markaana isticmaalaya noocyada kala duwan ee maandooriyaha, sida xashiishka, khamriga iyo iwm.
Gudoomiiyaha gobolka Banaadir Yuusuf Madaale oo howlgalkaas horkacayey ayaa ul la dhacay qaar ka mid ah dhalinyaradii halkaas ku sugnaa sida ay muujinayaan muuqaalo lagu baahiyey baraha bulshada.
Madaale oo la hadlay warbaahinta ayaa sheegay iney albaabada u laabeen dhowr goobood oo habeenkii dhalinyaradu ku tuman jireen, dib dambena aan loo furi doonin, isagoo xusay iney sidoo kale xiri doonaan goobaha la midka ah ee magaalada ku yaalla.
“Dhalinyarada aan halkan ugu nimid, qaarkood wey cabsanaayeen, waxay isku dayeen iney nala diriraan balse, wax dhibaato ah looma geysan, waxaan ku wareejinay booliska si subixii loogu wareejiyo waalidiintii dhalay, qaarkood waxay wateen hub ay ka mid yihiin bastoolado iyo qoryo” ayuu yiri Madaale.
Waxaa uu xusay in talaabadan ay qeyb ka tahay, howlgalada uu maamulkiisu kula dagaalamayo ka ganacsiga maandooriyaha, isagoo xusay in Al-shabaab iyo kuwa maandooriyaha iibiya ay si isku mid ah ula dagaalamayaan.
Wararka ka imaanaya magaalada Baydhabo ayaa sheegaya in Afar Xubnood oo katirsanaa Kooxda Al shabaab ay isku soo dhiibeen Ciidamada Booliiska Gaar ahaan laanta Baarista Dembiyada CID-da ee Gobolka Bay.
Warbaahinta Israa’iil ayaa baahiyay in diyaarad nuuca wax basaas ah oo ay lahaayeen milatariga Israa’iil shalay ku dhacday meel ku dhaw marinka Qasa ee dhulka Falastiin, kaddib marki la sheegay
Xulka Qaranka Soomaaliya ee da'doodi ay ka yar tahay 17 jirada ayaa maanta wajihi doona xulka Qaranka dalka Tunisia ee da'doodi ka yartahay 17jira tartanka 15aad ee Koobka Qaramada Qaarada
