Home Wararka Maanta Dowlada Soomaaliya oo ka Hadasshy Qaabka loo Shirqoolay Nabadoonadii Beesha Baadicade ee...

Dowlada Soomaaliya oo ka Hadasshy Qaabka loo Shirqoolay Nabadoonadii Beesha Baadicade ee xalay lalaayay

0

Wasaaradda arrimaha gudaha Soomaaliya ayaa war ka soo saartay qarax lagu laayey Nabadoono ka soo jeedo gobolka Hiiraan oo xalay ka dhacay deegaanka Aaqobeey oo u dhexeeyo degmooyinka Beledweyne iyo Buuloburde.

Qoraal ka soo baxay wasaaradda ayaa waxaa lagu sheegay in qaraxaas oo miino ahaa lagu dilay ugu yaraan saddex Nabadoon, mid kalena lagu dhaawacay, kuwaas oo ka soo jeeda Beesha Baadicadde oo ka mid ah beelaha Soomaaliyeed ee dega gobolka Hiiraan.

“Wasaaradda Arrimaha Gudaha, Federaalka iyo Dib-u-heshiisiinta XFS waxa ay cambaareyneysaa falkii arxan-darrada ahaa ee kooxda dhagarqabayaasha argigixisada ah ee Al-shabaab ay xalay abbaaro 10-kii fiidnnimo ku beegsadeen kuna dileen qaar ka mid ah nabaddoonada Beesha Baadicadde oo kala ah: (1) Nabadoon Yuusuf Fiidow iyo wiilkiisa Ibraahim Yuusuf Fiidow. (2) Nabadoon Mukhtaar Xaaji (3) Nabadoon Xasan Xuseen Lugayare, Sidoo kalena lagu dhaawacay Nabaddoon Axmed Xasan” ayaa lagu yiri qoraalka.

Sidoo kale wasaaradda arimaha gudaha ayaa sheegtay in la shirqoolay Nabadoonada ayaga oo ku sii jeeday deegaannada Al-Shabaab, si ay u soo daayaan shacab ay kooxdu xir-xirtay.

Warsaxaafadeedka ayaa sidoo kale lagu sheegay in qarax loo dhigay, ka hor inta aysan gaarin meesha ay u socdeen, waxayna wasaaraddu intaasi ku dartay in odayaasha ay horey u diideen lacago & dhalinyaro ay askareeyaan Al-Shabaab, sida ay hadalka u dhigtay.

“Falkan oo ahaa shirqool iyo dhagar ay kooxda aragagixasadu u dhigeen odoyaasha dhaqanka oo u socday in ay soo daayaan shacab beesha ah oo u afduubnaa kooxda Al-shabaab ayaa loo galiyey miino wadadii ay ku safrayeen deeegaanka Aaqobeey oo ku yaalla inta u dhaxeysa Baladweyne iyo Buulaburde ee galbeedka Hiiraan, Nabaddoonnada waxaa ay horay u diideen in ay geeyaan lacago iyo dhalinyaro ay Al-shabaab askareeyaan” ayaa markale lau yiri qoraalka ka soo baxay wasaaradda arrimaha gudaha ee xukuumadda.

Wasaaradda arrimaha gudaha ayaa ugu dambeyn tacsi tiraanyo leh u dirtay ehellada odayaasha dhaqanka ee ku dhintay qaraxaas oo qabsaday baabuurkii ay la socdeen.

Si kastaba, Al-Shabaab ayaa dhankeeda war kasoo saartay dilka Nabadoonadaasi, waxaana warbaahinta taageerta kooxdaas ay shaacisay in odayaasha lagu dilay duqeyn diyaaradeed.

Kulan Dhexmaray Madaxweyne Xasan Shiikh iyo Dhigiisa Jabuuti Ismail:- Sawiro

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kulan muhiim ah la yeeshay Madaxweynaha Jamhuuriyadda Jabuuti Mudane Ismaaciil Cumar Geelle, iyagoo ka wada hadlay xoojinta xiriirka walaaltinimo iyo iskaashiga

Israel oo Duqeymo ka geysatay Saldhigyo uu la Wareegayo Turkiga

Diyaaradaha dagaalka ee Israa’iil ayaa fuliyey in ka badan 15 duqeyn oo lagu qaaday garoonka diyaaradaha ee Hama, taasoo socotay xalay qiyaastii saacad iyo bar. Afhayeenka ciidamada Israa’iil ayaa sheegay

Warar laga helayo dagaal culus oo ka socda Galbeedka gobolka Mudug

Wararka ka imaanaya gobolka Mudug ayaa sheegaya inuu haatan dagaal beeleed xoogan uu ka socdo inta u dhaxeysa deegaanada Jiicboor iyo Saax qurun oo dhaca Galbeedka gobolka Mudug. Dagaalkaan oo

Maamulka Koonfur Galbeed oo soo bandhigtay xubno kasoo baxsaday Kooxda Al shabaab

Wararka ka imaanaya magaalada Baydhabo ayaa sheegaya in Afar Xubnood oo katirsanaa Kooxda Al shabaab ay isku soo dhiibeen Ciidamada Booliiska Gaar ahaan laanta Baarista Dembiyada CID-da ee Gobolka Bay.

Diyaarad ay leedahay Dowlada Israel oo ku bur-burtay Magaalada Qaza

Warbaahinta Israa’iil ayaa baahiyay in diyaarad nuuca wax basaas ah oo ay lahaayeen milatariga Israa’iil shalay ku dhacday meel ku dhaw marinka Qasa ee dhulka Falastiin, kaddib marki la sheegay
Ad
Previous article30 ka mid ah Dagaalyanada Alshabaab oo Xalay Saqdhexe weerar Gaadmo ah lagu dilay
Next articleMadaxweyne SACIID DENI oo maxkamad lala tiigsanayo