Madaxweynaha Iran Masoud Pezeshkian oo kulan la qaatay Ayman Safadi oo ah wasiirka arrimaha dibadda ee Boqortooyada Urdun ayaa waxa uu carabka ku adkeeyay in tallaabada Israel ay ku dishay hogaamiyihii Xamaas ee Tehran aysan noqon doonin jawaab la’an.
Pezeshkian waxa uu sheegay in wax laga filayo Jamhuuriyadda Islaamiga ah ee Iran dhammaan dalalka Islaamka iyo dadka xorriyadda jecel ee ku nool dunida dacaladeeda ay tahay in si adag loo cambaareeyo xadgudubyadan oo kale.
Esmail Haniyeh ayaa lagu dilay fal argagixisanimo oo ay Israel ka geysatay magaalada Tehran saacadihii hore ee Arbacada.
Pezeshkian waxa kale oo uu iftiimiyay sida ay lagama maarmaanka u tahay in wadamada Islaamka ay u midoobaan joojinta gardarada iyo dambiyada uu maamulka Sahyuuniyadda u gaysto shacabka reer Falastiin ee ku dulman Gaza.
Wuxuu ku nuux-nuux saday in udub dhexaad u ah siyaasadda arrimaha dibadda ee Jamhuuriyadda Islaamiga ah ee Iran ay tahay horumarinta iyo xoojinta nabadda, xasilloonida, iyo xasilloonida gobolka iyo caalamkaba.
