Home Wararka Caalamka Dhimashada Dhul Gariirkii Ku Dhuftay Turkiga Iyo Syria Oo Gaartay inka badan...

Dhimashada Dhul Gariirkii Ku Dhuftay Turkiga Iyo Syria Oo Gaartay inka badan 3,700 Qof

0

Waxaa sare u kacay khasaaraha dhimashada ee dhulgariirkii xoogganaa ee ku dhuftay qaybo ka mida dalalka Turkiga iyo Syria, subaxnimadii hore ee Isniintii, dhulgariirkaas oo cabbirkiisu gaadhayey illaa 7.8.

Wararka ugu dambeeyey ayaa sheegay in tirada dhimashadu ay haatan kor u dhaaftay illaa 3,400 oo qof, halka la aaminsan yahay in boqollaal qof oo kale, inay ku hoos xanniban yihiin burburka dhismayaasha.

Dhulgariirkan ayaa xudduntiisu ay ahayd meel u dhow deegaanka Gaziantep oo u dhow xuduuda Turkiga iyo Syria, waxaana xigay dhulgariir kale oo cabbirkiisu gaadhayey illaa 7.5 kaas oo galabnimadii isna ka dhacay, meel u jirta deegaankan illaa 100 KM.

Dhulgariirkan ayaa ahaa kii ugu xumaa ee muddo sanado ah ku dhufta dalka Turkiga, waxaa sidoo kale laga dareemay dalalka Cyprus iyo Lebanon.

Dadweynaha ku dhaqan deegaanka uu dhulgariirku ka dhacay ayaa subaxnimadii hore ku baraarugay dhulgariirkan, iyaga oo markaas u soo yaacay debedda, xilli uu jiro qabaw badan, roob iyo barafna uu da’ayo.

Masuuliyiinta dalka Turkiga ayaa sheegay in ugu yaraan 2,316 ay ku dhinteen dhulgariirka halka dhaawacuna uu kor u dhaafay illaa 13,000 oo qof. Masuuliyiinta Turkiga ayaa sheegay in loo gurmaday illaa 7,800 oo qof oo ku hoos jiray burburka dhismayaasha, halka guryaha burburayna ay gaadhayaan illaa 5,600 oo guri.

Masuuliyiinta dalka Syria ayaa iyaguna sheegay in tirada dhimashadu ay gaadhayso illaa 1,444, halka dhaawacuna ka badan yahay illaa 3,500 oo qof.

Turkiga ayaa ka mida, meelaha ay ku soo noqnoqdaan dhulgariiradu, kuwaas oo khasaare ba’an ka geysta dalkaas, waxaana si weyn loo xasuustaa dhulgariirkii ka dhacay dhinaca Woqooyi Galbeed ee Turkiga, sannadkii 1999, halkaas oo ay ku dhinteen 17,000 illaa 18,000 oo qof.

Golaha wasiirada ee Soomaaliya ayaa uga tacsiyadeeyey Dowladda Turkiga iyo shacabkeedaba, dadka ku dhintay dhulgariirka ku dhuftay waddankaasi, iyaga oo Alle uga baryay inta ku dhimatay naxariistiisa Janno, inta ku dhaawacantayna in caafimaad degdeg ah uu siiyo.

Dalal badan oo caalamka ah ayaa tacsi u diray dalka Turkiga, iyaga oo ku yaboohay inay gacan ka geysanayaan, samatabixinta dadka ku hoos jira burburka dhismayaasha. Madaxweynaha dalka Maraykanka Joe Biden ayaa amray in hay’adaha Maraykanku inay gacan degdeg ah u fidiyaan Turkiga.

Sidoo kale Midawga Yurub ayaa isku dubba riday kooxo gurmad ka geysta deegaanada dhulgariirku ka dhacay, oo ka kala socda dalalka Bulgaria, Croatia, Czeck Republic, Faransiiska, Giriiga, Hungury, Malta, Holland, Poland iyo Romania.

Sidoo kale dawladda Ingiriiska ayaa sheegtay inay ka qayb qaadanayso gurmadka loo fidinayo deegaanada uu dhulgariirku ka dhacay.

Ra’iisal wasaaraha dalka Israa’iil Benjamin Netanyahu ayaa sheegay in dalkiisu uu u diri doono Turkiga, kooxo gurmad iyo samatabixinta qaabilsan oo gacan ka geysta in la soo badbaadiyo dadka ku hoos jira burburka, iyo weliba kooxo caafimaad, ka dib marki ay codsi ka heleen dawladda Turkiga.

Ruushka ayaa sidoo kale sheegay inuu u dirayo dalka Turkiga kooxo ka qayb qaata gurmadka iyo samatabixinta.

Ukraine ayaa ka mida dalalka u sheegay Turkiga, inay gacan ka geysanayaan dhibaatada soo gaadhay.

Kulan Dhexmaray Madaxweyne Xasan Shiikh iyo Dhigiisa Jabuuti Ismail:- Sawiro

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kulan muhiim ah la yeeshay Madaxweynaha Jamhuuriyadda Jabuuti Mudane Ismaaciil Cumar Geelle, iyagoo ka wada hadlay xoojinta xiriirka walaaltinimo iyo iskaashiga

Israel oo Duqeymo ka geysatay Saldhigyo uu la Wareegayo Turkiga

Diyaaradaha dagaalka ee Israa’iil ayaa fuliyey in ka badan 15 duqeyn oo lagu qaaday garoonka diyaaradaha ee Hama, taasoo socotay xalay qiyaastii saacad iyo bar. Afhayeenka ciidamada Israa’iil ayaa sheegay

Warar laga helayo dagaal culus oo ka socda Galbeedka gobolka Mudug

Wararka ka imaanaya gobolka Mudug ayaa sheegaya inuu haatan dagaal beeleed xoogan uu ka socdo inta u dhaxeysa deegaanada Jiicboor iyo Saax qurun oo dhaca Galbeedka gobolka Mudug. Dagaalkaan oo

Maamulka Koonfur Galbeed oo soo bandhigtay xubno kasoo baxsaday Kooxda Al shabaab

Wararka ka imaanaya magaalada Baydhabo ayaa sheegaya in Afar Xubnood oo katirsanaa Kooxda Al shabaab ay isku soo dhiibeen Ciidamada Booliiska Gaar ahaan laanta Baarista Dembiyada CID-da ee Gobolka Bay.

Diyaarad ay leedahay Dowlada Israel oo ku bur-burtay Magaalada Qaza

Warbaahinta Israa’iil ayaa baahiyay in diyaarad nuuca wax basaas ah oo ay lahaayeen milatariga Israa’iil shalay ku dhacday meel ku dhaw marinka Qasa ee dhulka Falastiin, kaddib marki la sheegay
Ad
Previous articleGolaha Wasiirada oo go’aan ka gaaray heshiiska militari ee Imaaraadka oo Dhawaan ay Diideen Golaha Wasiirada Soomaaliya
Next articleSoomaliland oo Sheegtay inay Argagixiso iyo Puntland wada socda soo weerareen