Madaxweynaha Puntland Saciid C/llaahi Deni ayaa ku dhawaaqay inuu berri bilaabanayo wajiga saddexaad ee howlgalka ka dhanka ah Argagixisada Daac1sh ee ka socda dhulka buuraleyda Cal-Miskaad, isagoo caddeeyay in guulihii horay looga gaaray labadii waji ee howlgalka inay ahaayeen guul Soomaaliyeed.

Saciid Deni ayaa muddo 7 maalmood u qabtay dhammaan dadka Soomaaliyeed ee Reer Puntland ee la shaqeynayay Argagixisada ee ka qeyb qaadanayay taakulada, dadka lacagaha ka qaadayay ee aan furimaha dagaalka ku sugneyn inay laamaha amniga dowladda la soo xiriiraan ayna cadeeyaan inay ka baxeen falalka ay ku jireen.

waxaa uu sheegay inay liisaskooda hayaan oo ay isugu jiraan qeybaha kala duwan ee bulshada, haddii ay isa soo dhiibi waayaan ay dowladdu tallaabo ka qaadi doonto.