Maamulka Puntland ayaa sheegay in duqeyn xalay ka dhacday deegaanka Miraale ee gobolka Bari lagu dilay ilaa 25 dagaalame oo ka tirsan Daacish.
Warka Puntland ay baahisay ayay ku sheegtay in duqeynta ay fulisay dowladda Imaaraadka Carabta, oo gacan ka helaysay “howlgalka ciribtirka argagixisada ee Puntland”.
Goobta duqeyntu ka dhacday ayaa maamulka Puntland waxaa uu ku sheegay “talis” ay isku aruursanayeen kooxdu.
Dhanka kale, ciidamada Puntland ayaa howlgallo ka sameeyay deegaannada Kalriyaad, Saax iyo Madaah ee Gobolka Bari oo ay ku yaallaan saddex Ceel-Biyood oo muhim u ah deegaannadaasi. Waxaana ciidamadu burburiyeen sida wararkus heegayaan xaruumo ay halkaa ku lahaayeen Daacish.
Ad
