Ciidanka Kumaandooska Gor-gor ee XDS, ayaa sheegay iney howlgal qorsheysan ku burburiyeen fariisimo Al-Shabaab ku lahaayeen degaano hoostaga degmadda Aw-dheegle.
Howlgalkan ayaa waxaa hoggaaminayay Taliyaha guutada 17-aad ee Kumaandoska Gor-gor Gaashaanle Dhexe Dayax Cabdi Cabdulle.
Ciidanka Kumaadooska Gor-gor, ayaa waxa ay howlgalka ka sameeyay degaanada kala ah Shaam-gare,tawakal iyo nuucaanaay oo hoostaga dhammaantood degmadda Aw-dheegle ee gobolka Sh/hoose.
Taliyaha guutada 17-aad ee Kumaandoska Gor-gor Gaashaanle Dhexe Dayax Cabdi Cabdulle ayaa sheegay in howlgaladaas ay ku dileen xubno ka tirsan Al-Shabaab, ayna burburiyeen xarumo ay degaanadaas ku lahaayeen.
“Waan sii wadi doonnaa howlgalada aan ku baacsaneyno haraadiga kooxda argagaxisada ah ee Al-Shabaab ilaa aan ka baabi’ino dalka oo dhan” ayuu yiri Taliyaha guutada 17-aad ee Kumaandoska Gor-gor Gaashaanle Dhexe Dayax Cabdi Cabdulle.
