Faahfaahin dheeraad ah ayaa kasoo baxaysa dagaal dhexmaray ciidamada difaaca Puntland iyo kooxaha Daacish, ilaa hadda sida ay sheegayaan wararku ciidanka Puntland ayaa ku guuleystay dilka kooxo Ajaaniib ah, markii uu Aroornimadii hore dagaalka bilowday.
Kooxaha Daacish ayaa baabuur laga soo buuxiyey waxyaabaha qarxa dagaalka kusoo galay, waxaana in ka badan 10 Daacish oo u badan Ajaaniib ayaa meydadkooda aaga yaalaan, iyadoo aysan wali Puntland faahfahin dheeraad ah bixin.
Sida ay muujinayaan sawiro laga soo qaaday ajaaniibtan ayaa ah Carab katimi meelo kale duwan iyo Afrikaan, bilowga gulufka ciidan ee ka dhanka ah kooxaha Daacish ee kudhuumaleysanaya buuraha Calmiskaat iyo CaalBari ayaa ah mid haysta taageerada shacabka.
Kooxahan ayaa diidan nolosha, nabadda iyo horumafka ummadda Soomaaliyeed, iyagoo qof kasta u yaqaan cadow ay tahay in ay dilaan, taas oo qasab ka dhigaysa in laysku kaashado soo afjaridooda.
