Magaalada Muqdisho ayaa lagu wadaa in beri oo khamiis ah lagu qabto xaflada caleemo saarka Madaxweynaha Soomaaliya Xasan Sheekh Maxamuud, waxaana xaflada ka qeyb galaya madax kala duwan iyo marti sharaf meelo kala duwan ka kala imaanaya.,
Ammaanka magaalada Muqdisho ayaa lagu wadaa in si weyn loo adkeeyo inta ay socoto xaflada caleemo saarka, waxaana magaalada lagu soo daadiyay ciidamo badan oo booliis ah oo loogu tala galay in ammaanka xaqiijiyaan.
Qoraal kasoo baxay taliyaha ciidanka booliiska Soomaaliya Jeneraal Cabdi Xasan Xijaar ayaa lagu amray taliyaasha ciidamada ka howlgala magaalada Muqdisho in ay heegan galaan ayna geeyaan ciidamada goobaha loogu tala galay.
Waxaa lagu sheegay qoraalka kasoo baxay taliyaha in saraakiisha booliiska masuul ka yihiin amniga goobaha la geeyay lagula xisaabtami doono waxii ka dhaca , waxaana taliyaasha lagu wargaliyay in ciidankooda la socdaan ayna fuliyaan amarkan.
