Booliska magaalada Kismaayo ee koonfurta Soomaaliya ayaa sheegay in ay xabsiga dhigi doonaan ama ganaaxi doonaan haweenayda lagu qabto iyada oo xidhan niqaab ama indhashareer, sababo la xidhiidha cabsi laga qabo in Al Shabaab ay ku dhex dhuuntaan oo ay weeraro geystaan.
Taliyaha booliska ayaa sheegay in afartii maalmood ee la soo dhaafay ay ciidamadu uruuriyeen dhowr boqol oo niqaab oo suuqyada lagu gadayey.
Kooxdan xidhiidhka la leh Al-Qaacidda ayaa habeenkii Jimcaha weerar ku qaaday xeebta magaalada caasimadda ah ee Muqdisho oo ay ku dhinteen ugu yaraan 37 qof.
Saaka Isniintii dad badan ayaa ku biiray mas’uuliyiin ka tirsan dowladda oo mudaaharaad ka dhigayey qaraxii lagu beegsadat xeebta si ay u cambaareeyaan weerarka Al Shabaab.
Ad
