Hindiya ayaa caawa gantaallo ku weerartay gudaha Pakistan, waxayna gantaallada ku dhaceen saddex bartilmaameed oo ku yaalla gobolka Punjab ee dalka Pakistan, gaar ahaan xarumo kooxda Jaish-e-Mohammad ay ku lahayd gobolkaas.

Waxay Hindiya sheegtay in goobaha ay beegsatay adeegsan jireen kooxo argagixiso ah

Qaraxyo waaweyn oo dhowr ah ayaa laga maqlay meelo badan oo Pakistan iyo Kashmiir ah iyadoo India ay sheegtay inay weerartay wax loogu yeeray “kaabayaasha argagixisada” oo sagaal goobood ah

Pakistan ayaa wacad ku martay inay ka jawaabi doonto weeraradan.

Qaraxyada kadib ayaa waxaa madoobaatay korontadii magaalada Muzaffarabad ee caasimada Kashmiir sida ay sheegeen dad goob joogayaal ah. Ilaa hadda ma cadda waxa ay ahaayeen qaraxyada.

“Wax yar ka hor, ciidamada qalabka sida ee Hindiya waxay bilaabeen Howlgalka Sindoor, iyagoo garaacaya kaabayaasha argagixisada ee Pakistan ee Jammu iyo Kashmir oo laga soo abaabulay weeraro argagixiso oo ka dhan ah Hindiya,” ayay dawladda Hindiya ku tiri hadal ay soo saartay.

Ficilkeenu waxa ay ahaayeen kuwo diirada la saaray, la cabiray oo aan kor u kicin dabeecad ahaan. Ma jirto wax xarumo ah oo ciidamada Pakistan ah oo la beegsaday. Hindiya waxay muujisay xakamayn weyn marka la dooranayo bartilmaameedyada iyo habka loo fuliyo,” ayay tiri.