Taliska Boliiska Soomaaliyeed Ayaa caawa shaaciyay in Ganacta Lagu Soo dhigay Eedaysanayaal Lagu Soo Eedeeyay Dilka Laba ruux oo walaala ah oo xalay Lagu dilay Muqdisho.
Qoraal ka Soo Baxay Boliiska Soomaaliya Ayaa u qornaa Sidaan.
Ciidanka Booliiska Soomaaliyeed Waxa uu bulshada Soomaaliyeed la wadaagayaa in baaritaan ka dib ay maanta ku guulaysteen in ay gacanta ku soo dhigaan eedaysenayaashii xalay rasaasta ku dilay labada marxuum ee kala ah Sakariye Maxamuud Xuseen iyo Sowda Maxamuud Xuseen.
Eedaysaneyaasha oo kala ah Cabdiwaayeel Macallin Aadan iyo Dayax Nuur Cabdi Aadan ayaa hadda ku jira gacanta Dowladda, iyada oo la horgeyn doono maxkamadda awoodda u leh
Ciidanka Booliiska Soomaaliyeed waxa uu har iyo habeen u taagan yahay ilaalinta nafta iyo maalka shacabka Soomaaliyeed, sidoo kale waxaa shacabka ka codsanaynaa in ay si dhow u la shaqeeyaan Ciidanka Booliiska Soomaaliyeed.
DHAMMAAD
