Guddoomiyaha Baarlamanka Puntland Cabdirashiid Yuusuf Jibriil ayaa maanta magacaabay guddi gaar ah oo ka soo tala bixiya wax ka beddelka uu maamulka Saciid Deni qorsheynayo inuu ku sameeyo Dastuurka Puntland.
Guddoomiyaha Barlamaanka Puntland Cabdirashiid Yuusuf Jibriil ayaa sheegay in guddigan cusub uu magacaabay kadib markii madaxweyne Deni uu usoo gudbiyay soo jeedinta ku saabsan in dastuurka wax laga beddelo.
Xubnaha guddigaan ayaa waxay fallanqeyn ku sameyn doonaan wax ka beddelka dastuurka Puntland ee soo jeedisay xukuumadda, iyaga oo markaas kadib warbixintooda usoo gudbin doona golaha.
Guddiga uu Baarlamaanka u saaray wax beddelka dastuurka, ayaa waxay kala yihiin;
2. Xil. Maxamed Cabdi Faarax ( Xubin)
3. Xil. Ismaaciil Cabdi Abtiile ( Xubin)
4. Xil. Cabdiraxmaan Cali Jibriil (Xubin)
5. Xil. Maxamed Cabdi Warsame (Xubin)
Sidoo kale guddigaan ayaa waxaa kaalinaya agaasimaha xeerarka iyo xeer-dejinta baarlamanka iyo agaasimaha maamulka iyo maaliyadda ee baarlamanka.
Si kastaba, Madaxweynaha Puntland ayaa la sheegay in qorshahaan uu ka damacsan yahay muddo kororosi uu kasoo shaqeynayay muddo, arrintaasi oo siyaasiyiinta mucaaradka si weyn uga soo horjeedaan.
